വിരാട് കോഹ്ലിയുടെ രണ്ടാമത്തെ കുട്ടിയെ കുറിച്ചുള്ള ജ്യോൽസ്യന്‍റെ പ്രവചനം ആരാധകരെ ഞെട്ടിക്കുന്നു; 2016ലെ ഫേസ്ബുക്ക് പോസ്റ്റ് വൈറൽ

അനുഷ്ക്കയുടെ രണ്ടാമത്തെ ഗർഭധാരണത്തെക്കുറിച്ചുള്ള വിവരങ്ങൾ ദമ്പതികൾ മറച്ചുവെക്കാൻ തുടക്കം മുതലേ ശ്രമിച്ചിരുന്നു. എന്നാൽ അനുഷ്ക്ക ഗർഭിണിയാണെന്ന വാർത്ത പ്രചരിക്കാൻ അധികം സമയം വേണ്ടിവന്നില്ല. ഈ വാർത്ത ആദ്യമായി സ്ഥിരീകരിച്ചത് കോഹ്ലിയുടെ ഉറ്റ സുഹൃത്തും ദക്ഷിണാഫ്രിക്കൻ മുൻ ക്യാപ്റ്റനുമായ എബി ഡിവില്ലിയേഴ്സായിരുന്നു. എന്നാൽ കോഹ്ലിയുടെ രണ്ടാമത്തെ കുട്ടിയെക്കുറിച്ച് വർഷങ്ങൾക്ക് മുമ്പ് ഒരു ജ്യോൽസ്യൻ നടത്തിയ പ്രവചനമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.

2021 നും 2024 നും ഇടയിൽ കോഹ്‌ലിയുടെ രണ്ടാമത്തെ കുട്ടി വരുമെന്ന് ഏകദേശം എട്ട് വർഷം മുമ്പ് ഒരു ഫേസ്ബുക്ക് പോസ്റ്റിലൂടെയാണ് ജ്യോൽസ്യൻ പ്രവചിച്ചത്. 2016 ഏപ്രിൽ 2 മുതലുള്ള എഫ്ബി പേജ് 'സ്റ്റാർസ് ആൻഡ് അസ്ട്രോളജി' കോഹ്‌ലിയുടെ ജാതകത്തിൻ്റെ വിശദമായ വിവരണം തയ്യാറാക്കിയിട്ടുണ്ട്. 2017 അവസാനം (ഡിസംബർ 11) അനുഷ്‌ക ശർമ്മയുമായുള്ള കോഹ്‌ലിയുടെ വിവാഹം കൃത്യമായി “പ്രവചിക്കുന്നത്” മുതൽ അദ്ദേഹത്തിൻ്റെ കരിയറിലെ കാര്യങ്ങളൊക്കെ ഈ ജ്യോൽസ്യൻ പ്രവചിച്ചിട്ടുണ്ട്, “വിരാട് കോഹ്‌ലിയുടെ ജാതക വിശകലനം” എന്ന തലക്കെട്ടിലുള്ള പോസ്റ്റിൽ ഇന്ത്യൻ ക്രിക്കറ്റ് താരത്തെക്കുറിച്ചുള്ള എട്ട് പ്രവചനങ്ങൾ ഉൾപ്പെടുന്നതാണ്.

കൗതുകകരമെന്നു പറയട്ടെ, 2021 മുതൽ 2025 വരെയുള്ള വിപുലമായ സമയപരിധിക്കുള്ളിൽ കോഹ്‌ലി തൻ്റെ ഫോം വീണ്ടെടുക്കുമെന്നും പ്രവചനത്തിലുണ്ട്. കോഹ്‌ലി "2028 മാർച്ചിന് മുമ്പ് കരിയറിൽ അനുപമമായ നേട്ടങ്ങൾ കൈവരിച്ച ശേഷം വിരമിക്കും."

എന്നിരുന്നാലും, കുഞ്ഞ് അക്കായുടെ ജനനത്തിന് പിന്നാലെ ഈ പോസ്റ്റ് വീണ്ടും പ്രത്യക്ഷപ്പെടുകയും വൈറലാവുകയും ചെയ്തു. ഏതായാലും പോസ്റ്റ് വൈറലായതോടെ ജ്യോൽസ്യനെ പ്രശംസിച്ച് നിരവധിപ്പേരാണ് എത്തുന്നത്. "സർ, നിങ്ങളൊരു പ്രതിഭയാണ്!" ഒരു ഉപയോക്താവ് പറഞ്ഞു. "സാർ ദയവായി രോഹിത് ശർമ്മയുടെ ജാതകം ഒന്ന് വിശദീകരിക്കാമോ," മറ്റൊരാൾ അഭ്യർത്ഥിച്ചു.