Kiara Advani: 'ജീവിതത്തിലെ ഏറ്റവും വലിയ സമ്മാനം'; കുഞ്ഞതിഥിയെ വരവേൽക്കാനൊരുങ്ങി താരദമ്പതികൾ

ആദ്യ കുഞ്ഞിനെ വരവേൽക്കാനൊരുങ്ങി ബോളിവുഡിലെ താരദമ്പതികളായ സിദ്ധാർത്ഥ് മൽഹോത്രയും കിയാര അദ്വാനിയും. ഇൻസ്റ്റാഗ്രാമിൽ പങ്കുവച്ച പോസ്റ്റിലൂടെയാണ് ഇരുവരും തങ്ങൾക്ക് കുഞ്ഞ് ജനിക്കാൻ പോകുന്ന വിവരം പുറത്തുവിട്ടത്. ഏറെ നാളത്തെ പ്രണയത്തിനൊടുവിൽ 2023 ഫെബ്രുവരി 7നാണ് ഇരുവരും വിവാഹിതരായത്. ഇതിനിടയിൽ പലപ്പോഴും കിയാര ഗർഭിണി ആണെന്ന തരത്തിലുള്ള വാർത്തകൾ പ്രചരിച്ചിരുന്നു. എന്നാൽ അതിൽ ഔദ്യോ​ഗിക സ്ഥിരീകരണം വരുന്നത് ഇപ്പോഴാണ്. " ജീവിതത്തിലെ ഏറ്റവും വലിയ സമ്മാനത്തിനായി കാത്തിരിക്കുന്നു" എന്ന അടിക്കുറിപ്പോടെയാണ്‌ ഇരുവരും തങ്ങളുടെ സന്തോഷം ആരാധകരുമായി പങ്കുവച്ചിരിക്കുന്നത്. നിരവധി താരങ്ങൾ ഇരുവർക്കും ആശംസകളുമായി എത്തിയിട്ടുണ്ട്.