'നാരങ്ങാ പാല് ചൂണ്ടക്ക് രണ്ട്'; ഈ കളി ഓർമയുണ്ടോ? ട്വിറ്ററിൽ വൈറലായ പഴയകാല ചിത്രം

Published by:Naseeba TC
news18-malayalam

Last Updated:Oct 16, 2020 5:42 PM IST

ഇതു വായിക്കുന്ന പലരുടേയും ബാല്യകാലത്തെ നിറമുള്ള ഓർമയായിരിക്കുമിത്.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

"നാരങ്ങാ പാല് ചൂട്ടയ്ക്ക രണ്ട് ഇലകള്‍ പച്ച പൂക്കള്‍ മഞ്ഞ'' ഇങ്ങനെയൊരു പാട്ടും ഒപ്പമുള്ള കളിയും ഓർമയുള്ളവരുണ്ടോ? കുട്ടിക്കാലത്ത് ഈ പാട്ടും പാടി കളിച്ചവരായിരിക്കും നമ്മളിൽ പലരും. ട്വിറ്ററിൽ ഇപ്പോൾ വൈറലായിരിക്കൊണ്ടിരിക്കുന്ന ചിത്രം മനോഹരമായ കുട്ടിക്കാല ഓർമകളെ വീണ്ടും ഉണർത്തും, ഉറപ്പ്.

ഐപിഎസ് ഉദ്യോഗസ്ഥനായ ദിപാൻഷു കബ്രയാണ് ട്വിറ്ററിൽ പഴയകാല ചിത്രം ട്വീറ്റ് ചെയ്തിരിക്കുന്നത്. കുട്ടിക്കാല ഓർമകൾ എന്ന ഹാഷ്ടാഗിലുള്ള ചിത്രം കണ്ടവരിലെല്ലാം സുന്ദരമായ ആ പഴയകാല ഓർമകൾ ഉണർത്തി. "ഈ കളി ഓർമയുണ്ടോ? ഇതിന്റെ പേര് പറയാമോ" എന്ന കുറിപ്പോടെയാണ് ചിത്രം ട്വീറ്റ് ചെയ്തത്.

Remember this game? Can you name it?#ThrowbackThursday #TBT #ChildhoodMemories #90sLife pic.twitter.com/cZv0DKYiWP

— Dipanshu Kabra (@ipskabra) October 16, 2020

"നാരങ്ങാ പാല് ചൂണ്ടയ്ക്ക് രണ്ട് ഇലകള്‍ പച്ച പൂക്കള്‍ മഞ്ഞ'' എന്ന പാട്ട് പാടി കളിക്കുന്ന കുട്ടികളുടെ ബ്ലാക്ക് ആന്റ് വൈറ്റ് ചിത്രമാണ് പങ്കുവെച്ചത്. ഇതു വായിക്കുന്ന പലരുടേയും ബാല്യകാലത്തെ നിറമുള്ള ഓർമയായിരിക്കുമിത്.

മലയാളത്തിൽ ഈ കളിയുടെ പാട്ട് ഇങ്ങനെയായിരുന്നെങ്കിൽ ഹിന്ദിയിൽ മറ്റൊന്നാണ്. ദിപാൻഷു കബ്രയുടെ ട്വീറ്റിന് താഴെ പാട്ടിലെ മുഴുവൻ വരികളും പലരും കമന്റായി ഇട്ടിട്ടുണ്ട്.

Poshampa bhai poshampa
Daakiye ne kya kya
100 rupay ki ghadi churayi
Aathane ki rabri khaayi
Ab toh jel mein jaana padega
Jel ki roti khaani padegi
Jel ka paani peena padega
Ab toh jel mein jaane padega

Being 80's kid🙏

— Megha Maheshwari (@cuspcancerleo) October 16, 2020

സമ്മർദ്ദമില്ലാത്ത കുട്ടിക്കാല ഓർമകൾ വീണ്ടും പൊടിതട്ടിയെടുത്തതിന്റെ സന്തോഷമാണ് മറ്റു ചിലർ പങ്കുവെച്ചത്. ഇങ്ങനെയൊരു ചിത്രം പങ്കുവെച്ചതിന് പലരും നന്ദിയും പറഞ്ഞിട്ടുണ്ട്.

Thanks for sharing childhood nostalgia.. now when I look back in time I realise our games were so innocent,pure,harmless and social. Such joyful moments ❤️.

— Nandini (@NSehgal2003) October 16, 2020

രണ്ട് പേർ കൈകൾ ചേർത്ത് പിടിച്ച് പരസ്പം എതിർവശങ്ങളിൽ നിൽക്കും. ഇവർക്ക് നടുവിലൂടെ ഈ പാട്ട് പാടി ഒരാൾ കടന്നു പോകും. പാട്ട് അവസാനിക്കുമ്പോൾ നടുവിലുള്ളയാളെ കൈകകളിൽ പൂട്ടുന്നതാണ് കളി.

പാട്ടിന്റെ പ്രാദേശിക വകഭേദങ്ങൾ

നാരങ്ങാപ്പാല്

ചൂണ്ടയ്ക്ക് രണ്ട്

ഇലകൾ പച്ച

പൂക്കൾ മഞ്ഞ

ഓടി വരുന്ന

കള്ളനെ പിടിച്ചേ

നാരങ്ങപ്പാല്

ചൂണ്ടക്ക് രണ്ട്

ഇലകൾ പച്ച

പൂക്കൾ മഞ്ഞ

ഓടിച്ചാടി വരുന്ന കള്ളനെ