സിറിഞ്ചുകൾ ഉപയോഗിച്ച് ഓട്ടോറിക്ഷ രൂപകൽപ്പന ചെയ്ത് ആർട്ടിസ്റ്റ്; ലക്ഷ്യം വാക്സിനെടുക്കാൻ ആളുകളെ പ്രോത്സാഹിപ്പിക്കൽ

ഏതൊരു മോശം കാര്യത്തിനും ഒരു നല്ല വശം ഉണ്ടാകുമെന്ന് പറയാറില്ലേ? അതു തന്നെയാണ്‌ കോവിഡ്-19 എന്ന മഹാമാരിയിലൂടെ കടന്നുപോകുന്ന ഈ ദുരിത കാലഘട്ടത്തിലും നമുക്ക് കാണാനാകുക. സങ്കടകരമായ മുഹൂര്‍ത്തങ്ങൾക്ക് ഇടയിലും ചില ആശ്വാസവാർത്തകള്‍ ഇടയ്ക്കിടയ്ക്ക് ഒരു മിന്നായം പോലെ വന്നു പോകുന്നുണ്ട്. അതിലൊന്നാണ് ചെന്നൈയിലെ ഒരു ഓട്ടോറിക്ഷാ ഡ്രൈവറുടെ സർഗാത്മകതയെ കുറിച്ചുള്ള വാര്‍ത്ത. തമിഴ്നാട്ടില്‍ കോവിഡ് മൂലമുള്ള മരണങ്ങൾ കുത്തനെ ഉയര്‍ന്നു വന്നു കൊണ്ടിരുന്ന സാഹചര്യത്തിൽ ആൾക്കാരെ രോഗപ്രതിരോധ കുത്തിവെപ്പ് എടുപ്പിക്കുക എന്ന ലക്ഷ്യത്തോടെ സാമൂഹ്യ പ്രതിബദ്ധതയുള്ള ഒരു ഓട്ടോറിക്ഷ ഡ്രൈവര്‍ ഇതാ സദാസന്നദ്ധനായി നിൽക്കുന്നു.