ആ ചേക്കുട്ടിയല്ല ഈ ചെക്കുട്ടി; മാധ്യമ പ്രവർത്തകന് കരുതിയ തെറി മുഴുവൻ പാവകൾക്ക്; വൈറലാകുന്ന 'അമളി'

മാധ്യമപ്രവർത്തകൻ എൻ പി ചെക്കുട്ടിയെന്ന് കരുതി, പ്രളയകാലത്ത് ശ്രദ്ധേയമായ ചേക്കുട്ടി പാവകളുടെ ഫേസ്ബുക്ക് പേജിൽ തെറിയഭിഷേകം. ചെക്കുട്ടിയല്ല, ചെകുത്താൻ കുട്ടി..., ഇടതുപക്ഷ വിരുദ്ധത ബാധിച്ചാൽ ഭ്രാന്തല്ല, മുഴു ഭ്രാന്താകുമെന്നതിന്‍റെ ഉത്തമ ഉദാഹരണമാണ് ചെക്കുട്ടി... ചെക്കുട്ടി എന്നു കേൾക്കുമ്പോൾ ചെവിക്കുറ്റിക്ക് അടിക്കാൻ തോന്നുന്നു, എന്നിങ്ങനെ പോകുന്ന കമന്‍റുകളാണ് ചേക്കുട്ടി പാവകളുടെ പേജിൽ വന്നിരിക്കുന്നത്. ചേക്കുട്ടിയുടെ കുടുംബത്തെ പോലും അധിക്ഷേപിക്കുന്ന കമന്‍റുകളും തെറിവിളികളുമാണ് ആ പേജിൽ വരുന്നത്.