' പരീക്ഷയിൽ ജയിപ്പിക്കണം; തോറ്റാൽ വീട്ടുകാർ പിടിച്ച് കെട്ടിക്കും:' ഉത്തരക്കടലാസിൽ വിദ്യാർഥിനിയുടെ അഭ്യർഥന

ഇന്ത്യയിലുടനീളമുള്ള വിദ്യാർത്ഥികൾ ഭൂരിഭാഗവും ഇപ്പോൾ പരീക്ഷയുടെ ആധിയിലാണ്. പരീക്ഷയിൽ ജയിക്കാനായി കോപ്പിയടി അടക്കമുള്ള തന്ത്രങ്ങൾ മെനയുന്ന വിദ്യാർത്ഥികളുമുണ്ട്. തന്നെ ജയിപ്പിക്കണമെന്ന് ആവശ്യപ്പെട്ടുകൊണ്ട് ഉത്തര കടലാസിൽ തന്നെ അഭ്യർത്ഥനകൾ നടത്തുന്ന വിദ്യാർത്ഥികളും ഇതിൽ പെടും. എന്നാൽ ഇതിൽ നിന്നെല്ലാം വ്യത്യസ്തമായ ഒരു സംഭവമാണ് മധ്യപ്രദേശിലെ ജബൽപൂരിൽ നിന്ന് റിപ്പോർട്ട് ചെയ്തിരിക്കുന്നത്. പരീക്ഷയിൽ തോറ്റാൽ തന്നെ വീട്ടുകാർ വിവാഹം കഴിപ്പിക്കുമെന്നും അതിനാൽ പരീക്ഷയിൽ ജയിക്കാനുള്ള മാർക്ക് നൽകണമെന്നും പരീക്ഷാ ഇൻവിജിലേറ്ററോട് അഭ്യർത്ഥിച്ചിരിക്കുകയാണ് ഒരു വിദ്യാർത്ഥിനി. ഇംഗ്ലീഷ് പരീക്ഷയിൽ പരാജയപ്പെട്ടാൽ വീട്ടുകാർ വിവാഹം നടത്തുമെന്ന് ഭയന്നാണ് പെൺകുട്ടി ഉത്തരക്കടലാസിൽ ഇത്തരമൊരു അഭ്യർത്ഥന നടത്തിയത്.