ആരോടും അടി കൂടേണ്ട; പപ്പടം വീട്ടിൽ തന്നെ ഉണ്ടാക്കാം

എന്നാല്‍ പപ്പടം വീട്ടിൽ ഉണ്ടാക്കി ഒന്നു പരീക്ഷിച്ചാലോ? അല്‍പ്പം സമയമുണ്ടെങ്കില്‍ രുചികരമായ പപ്പടം നിങ്ങള്‍ക്ക് വീട്ടില്‍ തന്നെ ഉണ്ടാക്കാവുന്നതാണ്.

ഉഴുന്ന് പരിപ്പ്- 1 കിലോ

അപ്പക്കാരം - 35 ഗ്രാം

പെരുംകായം- 1 ടീസ്പൂണ്‍

ഉപ്പ്- ആവശ്യത്തിന്

ആദ്യം ഉഴുന്ന് പരിപ്പ് നന്നായി പൊടിച്ചെടുക്കുക. അതിലേക്ക് ഉപ്പ്, അപ്പക്കാരം, പെരുംകായം എന്നിവ ചേര്‍ക്കുക. വെള്ളം കുറച്ച് ചേര്‍ത്ത് ഈ മാവ് അല്‍പ്പനേരം നല്ല കട്ടിയില്‍ നന്നായി കുഴച്ചെടുക്കുക. കുഴച്ചതിന് ശേഷം 10- 12 ഗ്രാം വരുന്ന ചെറിയ ഉരുളകളായി ഉരുട്ടിയെടുത്ത് ഇത് 7 സെ.മി വ്യാസത്തില്‍ പരത്തിയെടുക്കുക. പരത്തിയതിന് ശേഷം വെയിലത്ത് ഉണക്കാനിട്ട് വായുസഞ്ചാരമില്ലാത്തിടത്ത് സൂക്ഷിക്കുക.