'എല്ലാവരേയും മിസ് ചെയ്യും'; പ്രസവാവധിയില്‍ പോകുന്നതിന് മുമ്പ് ഹൃദ‌യസ്പർശിയായ കുറിപ്പുമായി കളക്ടര്‍

2015 ലെ യുപിഎസ്‌സി ബാച്ചിൽ ഒന്നാമതെത്തിയ ടീന ദാബി പലപ്പോഴും വാർത്തകളിൽ ഇടം നേടുന്ന ഉദ്യോ​ഗസ്ഥയാണ്. സോഷ്യൽ മീഡിയയിലും പലപ്പോഴും ടീന ദാബിയെക്കുറിച്ചുള്ള വാർത്തകൾ പ്രത്യക്ഷപ്പെടാറുണ്ട്. ജയ്‌സാൽമീറിലെ ആദ്യ വനിതാ കളക്ടറായും ടീന ചരിത്രം കുറിച്ചിരുന്നു. കരിയറിലെ അവരുടെ നേട്ടങ്ങൾ, ഐഎഎസ് ഉദ്യോ​ഗസ്ഥൻ അത്തർ അമീർ ഖാനിൽ നിന്നുള്ള വിവാഹമോചനത്തിന് ശേഷം ഐഎഎസ് ഉദ്യോഗസ്ഥനായ പ്രദീപ് ഗാവണ്ടെയുമായുള്ള വിവാഹം, തുടങ്ങിയവയെല്ലാം പലപ്പോഴും വാർത്താ കോളങ്ങളിൽ നിറഞ്ഞു. ഇപ്പോൾ ടീന ​ഗർഭിണായാണെന്ന വാർത്തയും സോഷ്യൽ ലോകം ഏറ്റെടുത്തു കഴിഞ്ഞു.