Independence Day 2024 | വിഭജിച്ചവരുടെ മണ്ണിൽ ഒരുമിച്ച് ജയ്ഹോ പാടി ഇന്ത്യക്കാരും പാകിസ്ഥാനികളും

Published by:Nandu Krishnan
news18-malayalam

Last Updated:Aug 15, 2024 5:28 PM IST

ഇന്ത്യക്കാരും പാകിസ്ഥാനികളും ലണ്ടനിൽ ഒരുമിച്ച് ജയ്ഹോ പാടുന്നു എന്ന അടിക്കുറിപ്പോടെ ഇൻസ്റ്റാഗ്രാമിലാണ് വീഡിയോ പോസ്റ്റ് ചെയ്തിരിക്കുന്നത്.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

രാജ്യം ഇന്ന് സ്വാതന്ത്ര്യ ദിനം ആഘോഷിക്കുന്ന വേളയിൽ ഇൻസ്റ്റാഗ്രാമിൽ പങ്കുവച്ചിരിക്കുന്ന ഒരു വീഡിയോ ആണ് വൈറലായിരിക്കുന്നത്. എ.ആർ റഹ്മാന്റെ ജയ്ഹോ എന്ന ഗാനം ആലപിക്കുന്ന ഒരു ഗായകനാണ് വീഡിയോയിൽ. എന്നാൽ ഇന്ത്യയിൽ നന്നല്ല ഇദ്ദേഹം ഗാനം ആലപിക്കുന്നത്. മറിച്ച് യു.കെയിൽ നിന്നാണ്. ഗായകന് ചുറ്റും ഇന്ത്യക്കാരും പാകിസ്ഥാനികളും സ്വന്തം രാജ്യത്തിൻ്റെ പതാകകളും ഏന്തി ഗായകനൊപ്പം ജയ്ഹോ ഏറ്റു പാടുന്നതും വീഡിയോയിൽ കാണാം.

ഇന്ത്യക്കാരും പാകിസ്ഥാനികളും ലണ്ടനിൽ ഒരുമിച്ച് ജയ്ഹോ പാടുന്നു എന്ന അടിക്കുറിപ്പോടെ പോസ്റ്റ് ചെയ്ത വീഡിയോ ഇതിനോടകം രണ്ട് ദശലക്ഷത്തിലധികം ആൾക്കാരാണ് കണ്ടത്. വീഡിയോ വൈറലായതോടെ നിരവിധി കമൻ്റുകളാണ് വീഡിയോക്ക് താഴെ പ്രത്യക്ഷപ്പെട്ടത്.യുകെ വിഭജിച്ചു, യുകെയിൽ ഒരുമിച്ചു എന്നാണ് രസകരമായ ഒരു കമൻ്റ്.

ഇന്ത്യയും പാകിസ്ഥാനുമെന്ന രണ്ട് രാജ്യങ്ങളായി വിഭജിച്ചവരുടെ മണ്ണിൽ വിഭജിക്കപ്പെട്ടവർ ഒന്നാകുന്ന മനോഹരമായ കാഴ്ചയെന്നാണ് പലരും കമൻ്റ് ചെയ്തിരിക്കുന്നത്. ഇന്ത്യൽ നിന്നും പാകിസ്ഥാനിൽ നിന്നുമുള്ളവർ മറ്റ് രാജ്യങ്ങളിൽ നല്ല ബന്ധമാണുള്ളതെന്നാണ് ഒരാൾ കമൻ്റ് ചെയ്തത്. രണ്ട് ദിവസം മുൻപായിരുന്നു വീഡിയോ ഷെയർ ചെയ്യപ്പെട്ടത്.