Smoking | 'റോക്കി ഭായി'യെ അനുകരിച്ച് വലിച്ചു തീര്ത്തത് ഒരു പായ്ക്കറ്റ് സിഗരറ്റ്; പതിനഞ്ചുകാരന് ആശുപത്രിയില്
- Published by:Jayesh Krishnan
- news18-malayalam
Last Updated:
റോക്കി ഭായിയെ അനുകരിക്കാന് തീരുമാനിച്ച പതിനഞ്ചുകാരന് ഒരു പായ്ക്കറ്റ് സിഗരറ്റാണ് വലിച്ചു തീര്ത്തത്
ഹൈദരബാദ്: ലോകത്ത് തരംഗം തീര്ത്ത കെജിഎഫ് രണ്ടിലെ(KGF 2) നായകന് റോക്കി ഭായിയെ അനുകരിച്ച് പതിനഞ്ചുകാരന് വലിച്ചു തീര്ത്തത് ഒരു പായ്ക്കറ്റ് സിഗരറ്റ്(Cigarettes). ഹൈദരാബാദിലാണ് സംഭവം. സിഗരറ്റ് വലിച്ച പതിനഞ്ചുകാരനെ തൊണ്ടവേദനയും ചുമയും കാരണമാണ് ആശുപത്രിയില് പ്രവേശിപ്പിച്ചത്. രണ്ടു ദിവസത്തിനിടെ മൂന്നുതവണ കുട്ടി കെജിഎഫ് രണ്ടാം ഭാഗം കണ്ടത്.
റോക്കി ഭായിയെ അനുകരിക്കാന് തീരുമാനിച്ച പതിനഞ്ചുകാരന് ഒരു പായ്ക്കറ്റാണ് വലിച്ചു തീര്ത്തതെന്ന് ഇന്ത്യ ടുഡേ റിപ്പോര്ട്ട് ചെയ്യുന്നു. പതിനഞ്ചുകാരനെ ചികിത്സിച്ച ഡോക്ടര്മാര്, പിന്നീട് പ്രത്യേക കൗണ്സിലിങ്ങും നല്കിയാണ് ആശുപത്രിയില്നിന്ന് തിരിച്ചയത്.
അതേസമയം താരം നല്കുന്ന സന്ദേശം നിരവധി പേരെ സ്വാധീനിക്കാന് ഇടയുണ്ടെന്ന് ബോധ്യത്തിന്റെ അടിസ്ഥാനത്തില് പാന് മസാല പരസ്യത്തില് അഭിനയിക്കുന്നതിനായി കോടികള് നല്കാമെന്ന് പറഞ്ഞ ഡീല് വേണ്ടെന്ന് വച്ച നടന് യഷിന്റെ നിലപാട് വൈറലായിരുന്നു.
advertisement
ഫാന്സിന്റേയും ഫോളോവേഴ്സിന്റേയും താല്പ്പര്യങ്ങളെ മാനിച്ചുകൊണ്ട് യഷ് കോടികളുടെ പാന് മസാല പരസ്യ ഡീലില് നിന്ന് ഒഴിവായിരിക്കുകയാണ്. യഷിന്റെ ഏജന്സി പ്രസ്താവനയിലൂടെ അറിയിച്ചിരുന്നു.
നേരത്തെ പാന് മസാല പരസ്യത്തില് പ്രത്യക്ഷപ്പെട്ടതിന് ബോളിവുഡ് താരം അക്ഷയ് കുമാര് ക്ഷമ ചോദിച്ചിരുന്നു. അല്ലു അര്ജുനും കോടികള് പ്രതിഫലം വാഗ്ദാനം ചെയ്ത ഒരു പുകയില ഉല്പ്പന്നത്തിന്റെ പരസ്യത്തില് അഭിനയിക്കാനുള്ള ഓഫര് നിരസിച്ചിരുന്നു.
Click here to add News18 as your preferred news source on Google. നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
May 28, 2022 2:18 PM IST
മലയാളം വാർത്തകൾ/ വാർത്ത/Buzz/
Smoking | 'റോക്കി ഭായി'യെ അനുകരിച്ച് വലിച്ചു തീര്ത്തത് ഒരു പായ്ക്കറ്റ് സിഗരറ്റ്; പതിനഞ്ചുകാരന് ആശുപത്രിയില്
