'എല്ലാ മമ്മൂട്ടിമാര്‍ക്കും മോഹന്‍ലാലിനെ പോലൊരു കൂട്ടുകാരന്‍ വേണം; ഇടുങ്ങിയ മനസുള്ളവര്‍ക്ക് മനസിലാവില്ല': ജാവേദ് അക്തർ

അടുത്തിടെ മമ്മൂട്ടിക്ക് ചില ആരോഗ്യപ്രശ്നങ്ങള്‍ ഉണ്ടായെന്ന വാര്‍ത്ത പുറത്തുവന്നിരുന്നു. അതിന്റെ തൊട്ടടുത്ത ദിവസം തന്നെയായിരുന്നു മോഹന്‍ലാല്‍ ശബരിമല ദര്‍ശനത്തിനിടെ മമ്മൂട്ടിയുടെ പേരില്‍ ഉഷഃ പൂജ വഴിപാട് നടത്തിയത്. പിന്നാലെ മുതിര്‍ന്ന മാധ്യമപ്രവര്‍ത്തകനും രാഷ്ടീയ നിരീക്ഷകനുമായ ഒ അബ്ദുള്ള ഉള്‍പ്പെടെയുള്ള ആളുകള്‍ അതിനെ വിമര്‍ശിച്ചിരുന്നു. മമ്മൂട്ടി അറിഞ്ഞുകൊണ്ടാണ് വഴിപാടെങ്കിൽ അത് തെറ്റാണെന്നും സമുദായത്തോട് മാപ്പ് പറയണമെന്നും തൗബ ചെയ്യണമെന്നുമാണ് അബ്ദുള്ള പറഞ്ഞത്. മമ്മൂട്ടിയുടെ നിർദേശം അനുസരിച്ചാണ് മോഹൻലാൽ ശബരിമലയിൽ‌ വഴിപാട് നടത്തിയതെങ്കിൽ മതപരമായി അത് തെറ്റാണെന്ന് സമസ്ത നേതാവ് നാസർ ഫൈസി കൂടത്തായിയും പറഞ്ഞിരുന്നു.

എന്നാൽ, മറുവശത്ത് നിരവധി പേര്‍ മമ്മൂട്ടിയും മോഹന്‍ലാലും തമ്മിലുള്ള സൗഹൃദത്തെ പ്രകീര്‍ത്തിക്കുകയും ചെയ്തിരുന്നു. മമ്മൂട്ടിക്കായി ഉഷപൂജ വഴിപാടായിരുന്നു മോഹന്‍ലാല്‍ ശബരിമല ദര്‍ശനത്തിനിടെ നടത്തിയത്. മുഹമ്മദ് കുട്ടി എന്ന പേരില്‍ വിശാഖം നക്ഷത്രത്തില്‍ മോഹന്‍ലാല്‍ വഴിപാട് നടത്തിയതിന്റെ രസീത് സോഷ്യല്‍ മീഡിയയില്‍ വൈറലായിരുന്നു.