'വിവാഹേതര ബന്ധത്തിന്‍റെ ദൈർഘ്യം എത്ര വരെ? കക്കാൻ ഇറങ്ങുന്ന രണ്ടു കള്ളന്മാർ തമ്മിൽ എന്ത് കമ്മിറ്റ്മെന്‍റ് എന്ന അക്കിടി അറിയും വരെ'

തിരുവനന്തപുരം: വിവാഹേതര ബന്ധത്തിന്‍റെ ദൈർഘ്യം എത്ര വരെയെന്ന് പറയുകയാണ് മനഃശാസ്ത്ര വിദഗ്ധ കല ഷിബു. തന്‍റെ ഫേസ്ബുക്ക് പോസ്റ്റിലാണ് കല ഷിബു ഇക്കാര്യം വ്യക്തമാക്കിയിരിക്കുന്നത്. രാത്രിയിൽ കക്കാൻ ഇറങ്ങുന്ന രണ്ടു കള്ളന്മാർ തമ്മിൽ എന്ത് കമ്മിറ്റ്മെന്‍റ് എന്ന അക്കിടി തിരിച്ചറിയും വരെ മാത്രമാണ് വിവാഹേതര ബന്ധത്തിന്‍റെ ദൈർഘ്യമെന്നാണ് കല ഷിബു പറയുന്നത്. ദാമ്പത്യ ജീവിതത്തിലെ ഉത്തരവാദിത്വങ്ങളിൽ നിന്നൊരു ഒളിച്ചോട്ടം എന്നല്ലാതെ, വിവാഹേതര ബന്ധത്തിന് ഒരു പ്രാധാന്യവും ഭൂരിപക്ഷം വ്യക്തിയുടെയും ജീവിതത്തിൽ ഇല്ലെന്നും അവർ വ്യക്തമാക്കുന്നു. ഇത് ഒരു പഠനവും വെച്ച് പറയുന്നതല്ലെന്നും കൗൺസിലർ എന്ന നിലയിൽ കുറെ ജീവിതം കണ്ടു കഴിഞ്ഞുള്ള കണ്ടെത്തൽ മാത്രമാണെന്നും അവർ വ്യക്തമാക്കുന്നുണ്ട്.