Kunchacko Boban | പ്രായം റിവേഴ്‌സ് ഗിയറിൽ, ചാക്കോച്ചൻ ടോപ് ഗിയറിലും! വീണ്ടും ഡാൻസ് ചെയ്ത് യുവാക്കളെ ത്രില്ലടിപ്പിച്ച് താരം

സിനിമയുടെ പ്രൊമോഷൻ പരിപാടികൾ തകൃതിയായി നടന്നു വരവേ, ഡാൻസുമായി ആരാധകരെ കയ്യിലെടുക്കാൻ ഇറങ്ങിത്തിരിച്ചിരിക്കുകയാണ് കുഞ്ചാക്കോ ബോബൻ. ചുറ്റും നിൽക്കുന്ന പലരും അനിയത്തിപ്രാവ് ഇറങ്ങുന്ന സമയത്തെ കുട്ടികളോ കൈക്കുഞ്ഞുങ്ങളോ ആവാനാണ് സാധ്യതയെങ്കിൽ, അവരിൽ ഒരാളായാണ് അന്നത്തെ ചോക്ലേറ്റ് നായകൻ ഡാൻസ് ചെയ്ത് ഫ്ലോറിനെ കയ്യിലെടുത്തത്.

ഇത്രയുമെല്ലാം കണ്ടാൽ, ഫാൻസ്‌ എങ്ങനെ അടങ്ങിയിരിക്കും, അല്ലെ? കമന്റുകൾ കണ്ടാൽ, അവർക്ക് അടങ്ങിയിരിക്കാനാവില്ല എന്ന് തെളിയും. 'ഡേയ്.... ദേ.... നോക്ക് നമ്മുടെ പഴയ ചാക്കോച്ചൻ തിരിച്ചു വന്ന്‌', 'ഇങ്ങേര് മമ്മൂക്കാക്കൊരു എതിരാളിയാവും', ഇങ്ങേർക്ക് വയസ്സ് ആവൂലെ.. ഇജ്ജാതി ലുക്ക്', 'നിറത്തിൽ കണ്ട ചാക്കോച്ചൻ... 25 കൊല്ലം', 'ചാക്കോച്ചാ നിങ്ങടെ അനിയത്തിപ്രാവ് റിലീസ് ആവുമ്പോൾ ഞാൻ ഒന്നാം ക്ലാസ്സിൽ പഠിക്കുകയാണ് എനിക്ക് ഇപ്പൊ വയസ്സായി നിങ്ങക്കൊരു മാറ്റം ഇല്ലല്ലോ' എന്നിങ്ങനെ പോകുന്നു കമന്റ്സ്. വാക്കുകൾ കിട്ടാത്തവർ ഇമോജികൾ കൊണ്ട് അഭിപ്രായപ്രകടനം നടത്തിക്കഴിഞ്ഞു. കുഞ്ചാക്കോ ബോബന്റെ നൃത്ത വീഡിയോ ഇവിടെ കാണാം.