'ലിയോ' റിലീസ്: നടുറോഡിൽ തേങ്ങയുടച്ച് വിജയ് ആരാധകർ; ​ഗതാ​ഗതം സ്തംഭിച്ചു

വിജയ് നായകനായ ഏറ്റവും പുതിയ ചിത്രം ‘ലിയോ’യുടെ റിലീസിനു മുൻപായി, തമിഴ്‌നാട്ടിലെ ഒരു റോഡിൽ വിജയ് ആരാധകർ തേങ്ങ ഉടയ്ക്കുന്ന വീഡിയോ സോഷ്യൽ മീഡിയയിൽ വൈറലാകുകയാണ്. റെഡ്ഡിറ്റിലാണ് വീഡിയോ പ്രത്യക്ഷപ്പെട്ടത്. നൂറു കണക്കിന് തേങ്ങകളാണ് ഇവർ പൊട്ടിച്ചത് എന്നാണ് പോസ്റ്റിൽ നിന്നും വ്യക്തമാകുന്നത്. തുടർന്ന് പ്രദേശത്തെ ​ഗതാ​ഗതം സ്തംഭിക്കുകയും ചെയ്തു. “ലിയോ സിനിമയുടെ റിലീസിന് മുന്നോടിയായി തമിഴ്നാട്ടിലെ കോയമ്പത്തൂരിൽ, വിജയ് ആരാധകർ നടുറോഡിൽ നൂറുകണക്കിന് തേങ്ങകൾ ഉടക്കുന്നതാണ് വീഡിയോയിൽ കാണുന്നത്. ഇതേത്തുടർന്ന് ഗതാഗതം തടസപ്പെട്ടു,” എന്നാണ് ഇന്ത്യ സ്പീക്സ് എന്ന പേരിലുള്ള റെഡ്ഡിറ്റ് അക്കൗണ്ട് പങ്കുവെച്ച വീഡിയോയ്ക്കൊപ്പം കുറിച്ചിരിക്കുന്നത്.