'ഊരെടാ കൂളിങ് ഗ്ലാസ്...'; ഇടി കിട്ടുമെന്ന് മമ്മൂട്ടി; സോഷ്യൽ മീഡിയയിൽ വൈറലായി വീഡിയോ

കൂളിങ് ​ഗ്ലാസ് ധരിച്ച് മൊമന്റോ വാങ്ങാനെത്തിയ അണിയറ പ്രവർത്തകനുമായുള്ള മമ്മൂട്ടിയുടെ രസകരമായ സംസാരമാണ് വൈറലാകുന്നത്. യുവാവിന്റെ മുഖത്ത് കൂളിങ് ​ഗ്ലാസ് കണ്ടതോടെ അത് ഊരി മാറ്റാൻ മമ്മൂട്ടി ആവശ്യപ്പെട്ടു. ഇടിവാങ്ങുമെന്ന് ആം​​ഗ്യവും കാട്ടി. യുവാവ് ഗ്ലാസ് ഊരി പോക്കറ്റിലിട്ട് ആ​ദ്യത്തെ മൊമ‌ന്റോ സ്വീകരിച്ചു. രണ്ടാമത്തെ മൊമെന്റോ സ്വീകരിക്കുന്ന സമയത്ത് കൂളിങ് ​ഗ്ലാസ് വെക്കാൻ മമ്മൂട്ടി തന്നെ ആവശ്യപ്പെടുകയായിരുന്നു. യുവാവുമായുള്ള മമ്മൂട്ടിയുടെ ഇടപെടൽ ചിരിപടർത്തുകയായിരുന്നു.

കണ്ണൂർ സ്ക്വാഡിനും കാതലിനും പിന്നാലെ എത്തിയ മമ്മൂട്ടി കമ്പനിയുടെ ഭ്രമയു​ഗവും ​മികച്ച വിജയമാണ് തിയേറ്ററുകളില്‍ നേടിയത്. വൈശാഖ് സംവിധാനം ചെയ്യുന്ന ടര്‍ബോ ആണ് മമ്മൂട്ടിയുടെ അടുത്ത ചിത്രം