ഇതിനപ്പുറം അത്ഭുതമുണ്ടോ? ഓട്ടോയിൽ നിന്നിറങ്ങി റോ‍ഡിലേക്ക് ഓടി മൂന്നുവയസുകാരി, സഡൻ ബ്രേക്കിട്ട് ബസ്

കുട്ടി അപകടത്തിൽനിന്നും രക്ഷപ്പെടുന്ന വിഡിയോ വൈറലായി. കോഴിക്കോട് തൊഴിൽ തേടി എത്തിയ ഇതരസംസ്ഥാന തൊഴിലാളിയുടെ കുട്ടിയാണ് അപകടത്തിൽനിന്നും തലനാരിഴയ്ക്ക് രക്ഷപ്പെട്ടത്. കുട്ടി നടന്നുവരുന്നത് കണ്ടപ്പോൾ പെട്ടന്ന് വശത്തേക്ക് തിരിയ്ക്കാൻ തീരുമാനിയ്ക്കുകയായിരുന്നുവെന്ന് തയ്യിൽ ബസിൻ്റെ ഡ്രൈവർ ആയ ഷിനോജ് പറയുന്നു.

കുട്ടി ബസ്സിനടിയിൽ പെട്ടുവെന്നായിരുന്നു ഒരു നിമിഷം താനും കരുതിയത്. സ്വന്തം കുഞ്ഞായിരുന്നു ആ നിമിഷം മനസിലെന്നും ഷിനോജ് പറയുന്നു. സംഭവത്തിനു പിന്നാലെ ബസ്സിൽ നിന്നും ഇറങ്ങിയ സിനോജ് രണ്ടു ദിവസം കഴിഞ്ഞ് ഇന്നാണ് ബസിൽ തിരികെ കയറിയത്.

Summary: A three-year-old girl had a miraculous escape from being crushed under a private bus after she suddenly ran onto the road. The presence of mind shown by Shinoj, the driver of a bus operating on the Kozhikode-Kodiyathur route, averted a major tragedy. The child, who had just arrived in an auto-rickshaw with her father, suddenly ran across the road toward her mother, who was standing on the opposite side. The incident took place last Friday.