മെട്രോ സ്റ്റേഷനിൽ മകനെ കാമുകിക്കൊപ്പം പിടികൂടിയ അമ്മ അവിടെ വച്ച് 'നിശ്ചയം' നടത്തി; വീഡിയോ വൈറൽ
- Published by:Sarika N
- news18-malayalam
Last Updated:
സമൂഹമാധ്യമങ്ങളിൽ വ്യാപകമായി പ്രചരിക്കുകയാണ് ഈ അമ്മയുടെ വീഡിയോ
ന്യൂഡൽഹി: സോഷ്യൽ മീഡിയയെ അമ്പരപ്പിച്ച് ഒരമ്മയുടെ വ്യത്യസ്തമായ ശിക്ഷാ രീതി. മെട്രോ സ്റ്റേഷനിൽ വെച്ച് മകനെ കാമുകിക്കൊപ്പം കണ്ടെത്തിയ അമ്മ ദേഷ്യപ്പെടുന്നതിന് പകരം അവിടെ വെച്ച് തന്നെ ഇരുവരുടെയും വിവാഹനിശ്ചയം നടത്തുകയായിരുന്നു. ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ് ഈ അമ്മയുടെ വീഡിയോ.
വീഡിയോ ദൃശ്യങ്ങളിൽ മെട്രോ സ്റ്റേഷനിലെ ബെഞ്ചിൽ മകനും കാമുകിയും ഇരിക്കുന്നത് കാണാം. തുടർന്ന് ഇവരെ കണ്ട അമ്മ നേരെ അടുത്തേക്ക് പോകുന്നു. കൂടാതെ കൈയിലുണ്ടായിരുന്ന മധുരപലഹാരങ്ങളും പഴങ്ങളും പെൺകുട്ടിക്ക് നൽകിക്കൊണ്ട് നിശ്ചയത്തിന്റെ ചടങ്ങുകൾ ചെയ്യുന്നു. കൂടെയുണ്ടായിരുന്ന ആളോട് 'വീഡിയോ കൃത്യമായി എടുക്ക്' എന്ന് നിർദ്ദേശിക്കുന്നത് വീഡിയോയിൽ കേൾക്കാം.
🚨 Mother caught her son with his girlfriend at a metro station.
She immediately arranged his engagement on spot 😂
Intelligent Mom settled the issue in one go, ending the need for excuses or secret meetings. pic.twitter.com/xyk3lYdgqu
— News Algebra (@NewsAlgebraIND) February 7, 2026
advertisement
മകൻ ഇത് തടയാൻ ശ്രമിച്ചെങ്കിലും, 'ഞങ്ങളുടെ അന്തസ്സ് പോയതിന് ആര് മറുപടി പറയും?' എന്ന് ചോദിച്ചുകൊണ്ട് അമ്മ മധുരം നൽകുന്നത് തുടർന്നു. ഒടുവിൽ 'സന്തോഷമായി ഇരിക്കൂ' എന്ന് പറഞ്ഞ് മകനെയും പെൺകുട്ടിയെയും അമ്മ അനുഗ്രഹിക്കുകയും ചെയ്തു. സംഭവം രസകരമാണെങ്കിലും ഇത് യഥാർത്ഥമാണോ അതോ ശ്രദ്ധ പിടിച്ചുപറ്റാൻ വേണ്ടി ചെയ്തതാണോ എന്ന സംശയത്തിലാണ് നെറ്റിസൺസ്. 'ഇത് മുൻകൂട്ടി പ്ലാൻ ചെയ്ത നാടകമാണ്' എന്ന് ചിലർ കമന്റ് ചെയ്തപ്പോൾ, 'ആ പെൺകുട്ടിയുടെ വീട്ടുകാരുടെ അഭിപ്രായം ആരെങ്കിലും ചോദിച്ചോ?' എന്ന് മറ്റുചിലർ ചോദിക്കുന്നു. അതേസമയം, സംഭവത്തിന്റെ കൃത്യമായ സ്ഥലമോ സമയമോ വ്യക്തമല്ല.
നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
Feb 09, 2026 11:35 AM IST
മലയാളം വാർത്തകൾ/ വാർത്ത/Buzz/
മെട്രോ സ്റ്റേഷനിൽ മകനെ കാമുകിക്കൊപ്പം പിടികൂടിയ അമ്മ അവിടെ വച്ച് 'നിശ്ചയം' നടത്തി; വീഡിയോ വൈറൽ







