സുഹൃത്തിന്റെ 'ധൂം' സ്റ്റൈൽ ബൈക്ക് സ്റ്റണ്ട് പാളി; യുവതിക്ക് സ്വകാര്യ ഭാഗങ്ങളിൽ ഗുരുതര പരിക്ക്

യാത്രയ്ക്കിടയിൽ ബൈക്ക് ഓടിച്ചിരുന്ന യുവാവ് പെട്ടെന്ന് സാഹസികമായ ഒരു സ്റ്റണ്ട് ചെയ്യാൻ തീരുമാനിച്ചതോടെയാണ് കാര്യങ്ങൾ മാറിമറിഞ്ഞത്. ഇവർക്കൊപ്പമുണ്ടായിരുന്ന സുഹൃത്തോ വഴിയാത്രക്കാരനോ ആണ് ഈ ദൃശ്യങ്ങൾ പകർത്തിയത്. യുവാവ് പെട്ടെന്ന് ബൈക്കിന്റെ വേഗത കൂട്ടി മുൻചക്രം ഉയർത്തി 'വീലി' (Wheelie) ചെയ്യാൻ ശ്രമിച്ചു. യുവാവ് ഈ സാഹസികത ആസ്വദിക്കുമ്പോൾ പിന്നിലിരിക്കുന്ന ആളിന്റെ സുരക്ഷയെക്കുറിച്ച് അദ്ദേഹം മറന്നുപോയി.

ബൈക്കിന്റെ പെട്ടെന്നുള്ള ചലനത്തിൽ ബാലൻസ് തെറ്റിയ യുവതിക്ക് പിടിത്തം വിട്ടു. നിമിഷങ്ങൾക്കുള്ളിൽ അവർ സീറ്റിൽ നിന്നും വഴുതി നീങ്ങുന്ന ബൈക്കിന്റെ പിൻസീറ്റിനും ടയറിനും ഇടയിലുള്ള ഇടുങ്ങിയ വിടവിലേക്ക് വീണു. യുവതിയുടെ കാലുകളും ശരീരത്തിന്റെ പകുതിയോളം ഭാഗവും ഈ വിടവിനിടയിൽ കുടുങ്ങി. ഇതിനെത്തുടർന്ന് യുവതിയുടെ പെൽവിക് (pelvic) ഭാഗങ്ങളിൽ ഗുരുതരമായ പരിക്കേറ്റതായാണ് റിപ്പോർട്ട്.

അപകടം തിരിച്ചറിഞ്ഞ യുവാവ് ഉടൻ തന്നെ ബൈക്ക് നിർത്തി യുവതിയെ പുറത്തെടുക്കാൻ സഹായിച്ചു. ഇവരെ ആശുപത്രിയിൽ പ്രവേശിപ്പിച്ചോ എന്ന കാര്യത്തിൽ വ്യക്തതയില്ല.

"പിന്നിൽ ഒരാൾ ഇരിക്കുമ്പോൾ ഇത്തരം സാഹസികത കാട്ടുന്നവർ ജീവിതത്തിലും ഇത്ര തന്നെ അശ്രദ്ധയുള്ളവരായിരിക്കും. ഇത്തരം പങ്കാളികളേക്കാൾ പ്രധാനം സ്വന്തം ജീവനാണ്," എന്ന് ഒരാൾ കമന്റ് ചെയ്തു. പെൺകുട്ടികൾ ഇത്തരം അപകടകരമായ കാര്യങ്ങളിൽ ഭാഗമാകുന്നത് ഒഴിവാക്കണമെന്നും ഇത്തരം പ്രവർത്തികൾ ചെയ്യുന്നവർക്ക് കനത്ത പിഴ ചുമത്തണമെന്നും സോഷ്യൽ മീഡിയ ഉപയോക്താക്കൾ ആവശ്യപ്പെടുന്നു. ജെൻ സി കുട്ടികൾക്ക് വേണ്ടത്ര വിവേകമില്ലെന്ന തരത്തിലുള്ള വിമർശനങ്ങളും വീഡിയോയ്ക്ക് താഴെ വരുന്നുണ്ട്.

Summary: A terrifying video has emerged from Mumbai showing a young woman suffering significant injuries after her friend attempted a high-speed motorcycle stunt while she was riding pillion. The video captures the duo riding without helmets. Suddenly, the rider attempts a "wheelie" by accelerating and lifting the front wheel. Caught off-guard by the sudden movement, the woman lost her balance and slipped from the back seat. She fell into the narrow, dangerous gap between the rear seat and the spinning tyre.