''ടീച്ചര്‍ എന്നോട് ഫ്ലർട്ട് ചെയ്യുകയാണോ?'' അധ്യാപിക അയച്ച മെസേജുകളുടെ സ്‌ക്രീന്‍ഷോട്ട് പങ്കുവെച്ച് വിദ്യാര്‍ഥി

റെഡ്ഡിറ്റിലാണ് വിദ്യാര്‍ഥി മെസേജുകളുടെ സ്‌ക്രീന്‍ഷോട്ട് പങ്കുവെച്ചത്. ''ഞാന്‍ നിങ്ങളെ ആദ്യമായി ക്ലാസില്‍ കണ്ടപ്പോഴും പിന്നീട് രണ്ട് മൂന്ന് ദിവസം നിങ്ങളുമായി ഇടപഴകുകയും ചെയ്തപ്പോള്‍ ഒരു വിദ്യാര്‍ഥിക്ക് എങ്ങനെ ഇത്ര മിടുക്കനും ബുദ്ധിമാനുമാകാന്‍ കഴിയുമെന്ന് ഞാന്‍ ചിന്തിച്ചു. നിങ്ങളുടെ പെരുമാറ്റം വളരെ മാന്യമായിരുന്നു(ഇപ്പോഴും അങ്ങനെ തന്നെയാണ്). തുടക്കം മുതല്‍ നിങ്ങളുടെ ബാച്ചില്‍ നിങ്ങള്‍ വേറിട്ട് നില്‍ക്കുന്നു. അപൂര്‍വമായാണ് ഇത്തരത്തിലുള്ള വിദ്യാര്‍ഥികളെ കണ്ടുമുട്ടാറ്. സാധാരണയായി എംബിഎ കോളേജുകളില്‍ ഞാന്‍ ഇത്തരമാളുകളെ കണ്ടെത്താറുണ്ട്. എന്നാല്‍, ബിരുദതലത്തില്‍ നോക്കുമ്പോള്‍ നിങ്ങള്‍ വളരെ വ്യത്യസ്തനാണ്. നിങ്ങളില്‍ ആ മാറ്റം വളരെ പതുക്കെയാണ് ഞാന്‍ കണ്ടത്,'' അധ്യാപിക വിദ്യാര്‍ഥിക്ക് അയച്ച സന്ദേശത്തില്‍ പറഞ്ഞു.

അധ്യാപികയോട് പഠിപ്പിക്കുന്ന കാര്യത്തില്‍ ശ്രദ്ധ കേന്ദ്രീകരിക്കാന്‍ പറയൂവെന്ന് ഒരാള്‍ വിദ്യാര്‍ഥിയെ ഉപദേശിച്ചു. ആരാണ് അധ്യാപികയുമായി ചാറ്റ് ചെയ്യന്നതെന്ന് മറ്റൊരാള്‍ പറഞ്ഞു. അധ്യാപികയുടെ പെരുമാറ്റത്തില്‍ സംശയം തോന്നുന്നതായി മറ്റൊരാള്‍ പറഞ്ഞു. ''സൂക്ഷിക്കുക. അധ്യാപകരോട് വ്യക്തിപരമായ രീതിയില്‍ സംസാരിക്കരുത്. സംസാരം പ്രൊഫഷണലായി നിലനിര്‍ത്താന്‍ അവരോട് പറയുക. ഒരു അധ്യാപകരുമായും അമിതമായി അടുക്കരുത്,'' ഉപയോക്താവ് കൂട്ടിച്ചേര്‍ത്തു.

യുകെയിലെ ഗ്രാത്ത് ഹില്‍ കോളേജിലും റീഡിംഗിലെ ബ്രാക്‌നെല്‍ ആന്‍ഡ് വെയിംഗല്‍സ് കോളേജിലും മുമ്പ് ജോലി ചെയ്തിരുന്ന കെറിം ബ്രൗണ്‍ എന്ന അധ്യാപകനെയാണ് വിദ്യാര്‍ഥികള്‍ക്ക് അനുചിതമായ സന്ദേശങ്ങള്‍ അയച്ചതിന്റെ പേരില്‍വിലക്കിയത്. വര്‍ഷങ്ങളോളം ഇയാള്‍ വിദ്യാര്‍ഥികള്‍ക്ക് സന്ദേശങ്ങള്‍ അയച്ചിരുന്നതായി റിപ്പോര്‍ട്ടുകള്‍ പറയുന്നു.