Sunny Leone | ചോര പൊടിഞ്ഞു, സണ്ണി കരഞ്ഞു; മലയാളി ആരാധകർ ആശ്വാസ വാക്കുകളുമായി കമന്റ് സെക്ഷനിൽ

തന്റെ വരാനിരിക്കുന്ന പ്രോജക്ടിന്റെ ഷൂട്ടിംഗിനിടെ പരിക്കേറ്റതായി നടി സണ്ണി ലിയോണി (Sunny Leone) ഏറ്റവും പുതിയ പോസ്റ്റിൽ. സണ്ണിയുടെ ചിത്രമായ ‘ഓ മൈ ഗോസ്റ്റിന്റെ’ വിജയത്തിന് ശേഷം നടി തന്റെ വരാനിരിക്കുന്ന സിനിമകളുടെയും പരമ്പരകളുടെയും തിരക്കിലാണ്. ഇക്കഴിഞ്ഞ ചൊവ്വാഴ്ച സണ്ണി സെറ്റിൽ നിന്നുള്ള ഒരു വീഡിയോ പങ്കിട്ടു, അതിൽ കാൽവിരലിൽ മുറിവ് സംഭവിച്ചതിന് ചികിത്സ നേടുന്നത് കാണാം.

രക്തസ്രാവമുള്ള കാൽവിരലുമായി നടി ഇരിക്കുമ്പോൾ അവരുടെ മുറിവ് ഭേദമാക്കാൻ ടീം സഹായിക്കുന്നു. ഒരു ടീമംഗം മുറിവിൽ മരുന്ന് വെക്കാൻ ശ്രമിച്ചപ്പോൾ സണ്ണി ഭയന്ന് നിലവിളിച്ചു. മുറിവ് പകർച്ചവ്യാധിയാകാമെന്ന് പറഞ്ഞ് സണ്ണി ലിയോണിയുടെ ടീമും അവരെ കളിയാക്കി.

മുറിവിന് ഇഞ്ചക്ഷനുകളും ടെറ്റനസ് ഷോട്ടുകളും നിർദ്ദേശിച്ചതിന് സണ്ണി തന്റെ ടീമിനെ തമാശ രൂപേണ ശകാരിക്കുന്നതും കാണാം. മാസ്ക് ധരിച്ച ഒരാൾ മുറിവേറ്റ കാൽവിരലിൽ ആന്റിസെപ്റ്റിക് തളിക്കുമ്പോൾ അവൾ ക്ലിപ്പിൽ ഭയവും വേദനയും അനുഭവിക്കുന്നു.

ഒട്ടേറെ മലയാളികൾ സണ്ണിയുടെ വീഡിയോക്ക് കമന്റുമായെത്തി.

‘എന്റെ പൊന്നു ചേച്ചി സൂക്ഷിച്ചു നടക്കണ്ടേ എനിക്ക് ഇത് ഒകെ എന്ത് വിഷമം ആകുന്നുണ്ട് എന്ന് അറിയാമോ’, ‘ഇല്ല എന്റെ ചേച്ചിക്ക് ഒന്നും സംഭവിക്കാൻ ഞാൻ സമ്മതിക്കില്ല…’, ‘ശ്രദ്ധിക്കണ്ടേ വാവേ. ഇതൊന്നും നോക്കാൻ ആരുമില്ലേ അവിടെ… എന്നിങ്ങനെയാണ് കമന്റുകൾ. (ഇൻസ്റ്റഗ്രാം വീഡിയോ ചുവടെ കാണാം)

View this post on Instagram

A post shared by Sunny Leone (@sunnyleone)

സണ്ണി ലിയോണിയുടെ ഏറ്റവും പുതിയ ചിത്രം ‘ഓ മൈ ഗോസ്റ്റ്’ ഈ മാസം ആദ്യം കേരളത്തിലും കർണാടകയിലും റിലീസ് ചെയ്തു. ആർ. യുവൻ സംവിധാനം ചെയ്ത ഒരു ഹൊറർ കോമഡിയാണ് ഇത്. ഒരു കാലത്തെ കരുത്തയായ രാജ്ഞിയുടെ കഥ പറയുന്നു. സണ്ണി ഇതിൽ പ്രേതമായ മായാസേന എന്ന രാജ്ഞിയുടെ പ്രധാന കഥാപാത്രത്തെ അവതരിപ്പിക്കുന്നു.

ഇതുകൂടാതെ, സണ്ണി നിലവിൽ അർജുൻ ബിജ്‌ലാനിക്കൊപ്പം സ്‌പ്ലിറ്റ്‌സ്‌വില്ല X4 കോ-ഹോസ്റ്റ് ചെയ്യുന്നു.

Summary: Actor Sunny Leone is seen applying medicine to her injured toe in the recent video posted on Instagram. She captioned the video like #SunnyLeone #onsets #bts #quotationgang