എല്ലാം ഒത്തൊരുമയോടെ, നോക്കുന്നത് പോലും ഒന്നിച്ച്; ഈ നായകള്‍ സോഷ്യല്‍ മീഡിയയില്‍ താരങ്ങളാണ്

സോഷ്യല്‍ മീഡിയയ്ക്ക് വളര്‍ത്തുമൃഗങ്ങളോട് കുറച്ചധികം സ്‌നേഹക്കൂടുതലുണ്ടെന്ന് നമുക്കറിയാം. അവയില്‍ നായകള്‍ മിക്കവാറും സെലിബ്രിറ്റി പദവി തന്നെ ആഘോഷിക്കുന്നവരുമാണ്. ഇത്തരത്തില്‍ പ്രശസ്തരായ ഇന്‍സ്റ്റാഗ്രാമിലെ സെലിബ്രിറ്റി സഹോദരങ്ങളാണ് സെന, ഫിന്‍ എന്നീ രണ്ട് നായ്ക്കുട്ടികള്‍. അവരുടെ ഏറ്റവും പുതിയ വീഡിയോയില്‍ കൃത്യതയോടെയുള്ള രണ്ടുപേരുടേയും ഒത്തൊരുമ കണ്ടാല്‍ നിങ്ങള്‍ അത്ഭുതപ്പെടും. ഇന്‍സ്റ്റാഗ്രാം പേജില്‍ ''നിങ്ങളുടെ നായ്ക്കളുടെ ഒത്തൊരുമ എന്നോട് പറയാതെ പറയാമോ' എന്ന അടിക്കുറിപ്പോടെയാണ് പുതിയ വീഡിയോ പങ്കുവെച്ചിരിക്കുന്നത്. നല്‍കുന്ന നിര്‍ദ്ദേശങ്ങള്‍ അനുസരിച്ച്, രണ്ട് നായകളും പരസ്പരം എത്രമാത്രം യോജിപ്പോടെയാണെന്നു കാണിക്കുന്ന ആകര്‍ഷകമായ നിരവധി സംഭവങ്ങള്‍ ഇരുവരുടേയും ഉടമസ്ഥന്‍ പങ്കുവയ്ക്കുന്നുണ്ട്.