50 കോടിയുടെ സ്വർണ ടോയ്‌ലറ്റ് മോഷ്ടിച്ച പ്രതിയുടെ കുറ്റസമ്മതം വർഷങ്ങൾക്ക് ശേഷം

സ്വര്‍ണത്തില്‍ നിര്‍മിച്ച വസ്തുക്കള്‍ മോഷ്ടാക്കള്‍ക്ക് എന്നും പ്രിയപ്പെട്ട വസ്തുവാണ്. അവ മറിച്ചുവില്‍ക്കുമ്പോള്‍ ഉയര്‍ന്ന വില ലഭിക്കുമെന്നതാണ് കാരണം. ഇപ്പോഴിതാ യുകെയില്‍ നിന്നുള്ള ഒരു മോഷ്ടാവിന്റെ കുറ്റസമ്മതമാണ് ശ്രദ്ധ നേടുന്നത്. സ്വര്‍ണത്തില്‍ നിര്‍മിച്ച ടോയ്‌ലറ്റ് താന്‍ മോഷ്ടിച്ചുവെന്നാണ് മോഷ്ടാവ് സമ്മതിച്ചിരിക്കുന്നത്. ഏകദേശം 50 കോടിയിലധികം മൂല്യം വരും 18 കാരറ്റ് സ്വര്‍ണത്തില്‍ നിര്‍മിച്ച ഈ ടോയ്‌ലറ്റിന്. ഇംഗ്ലണ്ടിലെ ഓക്‌സ്‌ഫോര്‍ഡ് ഷയറിലെ വുഡ്‌സ്‌റ്റോക്കില്‍ സ്ഥിതി ചെയ്യുന്ന 300 വര്‍ഷം പഴക്കമുള്ള കൗണ്‍ട്രി എസ്റ്റേറ്റായ ബ്ലെന്‍ഹൈം കൊട്ടാരത്തില്‍ നിന്നാണ് ഇത് മോഷ്ടിച്ചതെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. ഏറെ ചരിത്രപ്രാധാന്യമുള്ള ഈ കൊട്ടാരം മുന്‍ യുകെ പ്രധാനമന്ത്രി വിന്‍സ്റ്റണ്‍ ചര്‍ച്ചിലിന്റെ ജന്മസ്ഥലം എന്ന നിലയില്‍ ലോകപ്രശസ്തമാണ്.