വിവാഹം കഴിഞ്ഞ് രണ്ടാം ദിനം നവവധു പ്രസവിച്ചു; കുഞ്ഞ് തന്റേതല്ലെന്ന് വരന്‍

വിവാഹം കഴിഞ്ഞ് വൈകാതെ തന്നെ കുടുംബജീവിതം തുടങ്ങാനാണ് ഭൂരിഭാഗം ദമ്പതികളും സ്വപ്‌നം കാണുന്നത്. തങ്ങളുടെ മക്കള്‍ക്ക് ഏറ്റവും നല്ല ജീവിതം ലഭ്യമാക്കണമെന്ന പ്രതീക്ഷയിലാണ് അവര്‍ തങ്ങളുടെ ഭാവി ആസൂത്രണം ചെയ്യുന്നതും. എന്നാല്‍, ഉത്തര്‍പ്രദേശില്‍ വിവാഹം കഴിഞ്ഞ് രണ്ടാം ദിവസം വധു പ്രസവിച്ച വാര്‍ത്തയാണ് ഇപ്പോള്‍ ചര്‍ച്ചാ വിഷയം. വളരെയധികം ആഡംബരത്തോടെയാണ് വിവാഹ ആഘോഷങ്ങള്‍ പൂര്‍ത്തിയാക്കിയത്. രണ്ട് ദിവസം നവദമ്പതികള്‍ ഒരുമിച്ച് താമസിച്ചു. എന്നാല്‍, രണ്ടാംദിനം വധു ഒരു കുഞ്ഞിന് ജന്മം നല്‍കുകയായിരുന്നു. അമ്മയും കുഞ്ഞും സുഖമായിട്ടിരിക്കുമ്പോള്‍ അത് ആഘോഷിക്കുന്നതിന് പകരം ഇരു കുടുംബങ്ങളും തകര്‍ന്നിരിക്കുകയാണ്.