വിടുതലൈ 2: 'അവർ ഗംഭീര നടി വളരെ വേഗത്തിൽ കഥാപാത്രമായി മാറും'; മഞ്ജു വാര്യരെ പ്രകീർത്തിച്ച് വിജയ് സേതുപതി

മലയാളികളുടെ പ്രിയ നടി മഞ്ജു വാര്യരെ പ്രകീർത്തിച്ച് തമിഴ് സൂപ്പർ താരം വിജയ് സേതുപതി. ഗംഭീര നടിയാണ് മഞ്ജു വാര്യരെന്നും അവർ വളരെ പെട്ടെന്നാണ് ഡയലോ​ഗുകൾ പഠിക്കുന്നതെന്നും നടൻ പറയുന്നു. ക്ലബ്ബ് എഫ് എമ്മിന് നൽകിയ അഭിമുഖത്തിലാണ് താരത്തിന്റെ വെളിപ്പെടുത്തൽ.ഒരു പെർഫോമൻസ് പോലെയല്ല വളരെ വേഗത്തിലാണ് മഞ്ജു കഥാപാത്രമായി മാറുന്നതെന്നും വിജയ് സേതുപതി കൂട്ടിച്ചേർത്തു. പുറത്തിറങ്ങാനിരിക്കുന്ന വിടുതലൈ 2 ആണ് ഇരുവരും അവസാനമായി ഒന്നിച്ച് അഭിനയിച്ച ചിത്രം.തമിഴിലെ ഹിറ്റ് സംവിധായകൻ വെട്രിമാരനാണ് ചിത്രം നിർമിക്കുന്നത് .