കാറിന്റെ റൂഫിൽ ചാടിക്കയറുന്നു, കാമുകിയെ ചുംബിക്കുന്നു; യുവാവിന്റെ 'പ്രകടനം' വൈറൽ
- Published by:meera_57
- news18-malayalam
Last Updated:
ട്രാഫിക് സിഗ്നലിൽ, ഒരു പെൺകുട്ടി കാറിന്റെ ജനാലയിലൂടെ പുറത്തേക്ക് ചായുകയും ഇരുവരും ചുംബിക്കുകയും ചെയ്യുന്നു
കാറിന്റെ റൂഫിൽ ചാടിക്കയറി കാമുകിയെ ചുംബിക്കുന്ന യുവാവിന്റെ വീഡിയോ വൈറൽ. ഡൽഹിയിലെ സാകേത് ജെ ബ്ലോക്കിൽ നിന്നുള്ള വീഡിയോ ഓൺലൈനിൽ പ്രചാരത്തിലുണ്ട്. തിരക്കേറിയ റോഡിൽ ഒരു യുവാവ് അപകടസാധ്യതകൾ അങ്ങേയറ്റം അവഗണിക്കുന്നതായി കാണാം. സമീപത്തുള്ള ഒരു വാഹനത്തിനുള്ളിൽ നിന്ന് ചിത്രീകരിച്ച ഈ ദൃശ്യങ്ങളിൽ, യുവാവ് ഓടുന്ന കാറിന്റെ മേൽക്കൂരയിൽ കയറി ആവേശം കൊള്ളുന്നതായി കാണാം. അപകടകരമായ ഈ സ്റ്റണ്ട് അവിടെ അവസാനിക്കുന്നില്ല. ട്രാഫിക് സിഗ്നലിൽ, ഒരു പെൺകുട്ടി കാറിന്റെ ജനാലയിലൂടെ പുറത്തേക്ക് ചായുകയും ഇരുവരും ചുംബിക്കുകയും ചെയ്യുന്നു. Ghar Ke Kalesh എന്ന എക്സ് ഹാൻഡിലിൽ വീഡിയോ കാണാം.
ഈ രംഗം പകർത്തിയ ഒരാൾ യുവാവിന് 20 അല്ലെങ്കിൽ 21 വയസ്സ് മാത്രമേ ഉള്ളൂവെന്നും അവന് എന്തെങ്കിലും സംഭവിച്ചാൽ അവന്റെ കുടുംബം തകർന്നുപോകുമെന്നും മുന്നറിയിപ്പ് നൽകുന്നു. യുവാവിന്റെ അപകടകരമായ സ്വാതന്ത്ര്യത്തെ സ്വന്തം ജീവിതവുമായി താരതമ്യം ചെയ്ത അദ്ദേഹം, 30 വയസ്സായിട്ടും, കൃത്യസമയത്ത് വീട്ടിലെത്തിയില്ലെങ്കിൽ ഇപ്പോഴും തന്റെ കുടുംബം വിളിച്ചന്വേഷിക്കാറുണ്ട് എന്ന് ചൂണ്ടിക്കാട്ടി. ക്ലിപ്പ് വൈറലായശേഷം, കാഴ്ചക്കാർ ഈ പ്രവൃത്തിയെ അശ്രദ്ധമെന്നു വിമർശിക്കുകയും കർശന നടപടിയെടുക്കാൻ ഡൽഹി പോലീസിനോട് ആവശ്യപ്പെടുകയും ചെയ്തു.
advertisement
ഡൽഹി പോലീസ് വാഹന ഉടമയ്ക്ക് പിഴ ചുമത്തി
ഡൽഹി പോലീസ് അവരുടെ ഔദ്യോഗിക എക്സ് (മുമ്പ് ട്വിറ്റർ) പേജിൽ വീഡിയോ പങ്കുവെച്ചുകൊണ്ട് ഇങ്ങനെ ക്യാപ്‌ഷൻ നൽകി: "ജീവൻ വിലപ്പെട്ടതാണ്. മുകളിൽ പറഞ്ഞ കേസിൽ, പ്രതിക്കെതിരെ സെക്ഷൻ 179 MVA, 184 MVA എന്നിവ പ്രകാരം ശിക്ഷ ചുമത്തിയിട്ടുണ്ട്. ഗതാഗത നിയമങ്ങൾ ലംഘിച്ച് സ്വന്തം ജീവൻ അപകടത്തിലാക്കരുതെന്ന് ജനങ്ങളോട് അഭ്യർത്ഥിക്കുന്നു."
സെക്ഷൻ 179 എംവിഎ പ്രകാരം നിയമാനുസൃത നിർദ്ദേശങ്ങൾ അനുസരിക്കാത്തതിനും സെക്ഷൻ 184 എംവിഎ പ്രകാരം അപകടകരമായ രീതിയിൽ വാഹനമോടിച്ചതിനും പ്രതിക്കെതിരെ കേസെടുത്തിട്ടുണ്ടെന്ന് പോലീസ് പരാതിയിൽ പറയുന്നു.
advertisement
Summary: A video of a young man jumping on the roof of a car and kissing his girlfriend has gone viral. The video from Delhi's Saket J Block is going viral online. A young man is seen completely oblivious to the dangers on a busy road. In the footage, shot from inside a nearby vehicle, the young man is seen jumping on the roof of a moving car and enjoying himself. The dangerous stunt doesn't end there. At a traffic signal, a girl leans out of the car window and the two kiss
നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
November 19, 2025 11:34 AM IST
മലയാളം വാർത്തകൾ/ വാർത്ത/Buzz/
കാറിന്റെ റൂഫിൽ ചാടിക്കയറുന്നു, കാമുകിയെ ചുംബിക്കുന്നു; യുവാവിന്റെ 'പ്രകടനം' വൈറൽ
