മദ്യത്തിൽ എന്ത് വൈറസ്? ബിയർ കെയ്സ് പിടിച്ചുപറിച്ച് ആൾക്കൂട്ടം; വൈറൽ വീഡിയോയുമായി സുനിൽ ഗ്രോവർ

ലോകമെങ്ങും നോവെൽ കൊറോണ വൈറസ് വ്യാപിച്ചതോടെ ഒട്ടുമിക്ക രാജ്യങ്ങളും കഴിഞ്ഞ ഒരുമാസത്തിലേറെയായി ലോക്ക്ഡൌൺ പ്രഖ്യാപിച്ചിരിക്കുകയാണ്. അതുകൊണ്ടുതന്നെ അവശ്യസാധനങ്ങൾ വിൽക്കുന്ന കടകൾ മാത്രമാണ് തുറന്നിരിക്കുന്നത്. എന്നാൽ രോഗവ്യാപനം കുറഞ്ഞുതുടങ്ങിയതോടെ ചില രാജ്യങ്ങളൊക്കെ ലോക്ക്ഡൌൺ പിൻവലിക്കുകയും ഇളവ് അനുവദിക്കുകയും ചെയ്തിട്ടുണ്ട്. ഈ സാഹചര്യത്തിലാണ് മദ്യവിൽപന പുനഃരാരംഭിച്ചത്. ഒരു മാസത്തിലേറെ നീണ്ട ഇടവേളയ്ക്കുശേഷം മദ്യവിൽപന വീണ്ടും തുടങ്ങിയപ്പോൾ സാമൂഹിക അകലം ലംഘിച്ചുകൊണ്ടുള്ള തിക്കുംതിരക്കുമാണ് പല സ്ഥലങ്ങളിലും അനുഭവപ്പെട്ടത്. ഡൽഹിയിൽ കഴിഞ്ഞ ദിവസം തിരക്ക് കൂടിയതോടെ തുറന്ന മദ്യഷോപ്പുകൾ അടച്ചു. കർണാടകയിൽ പല സ്ഥലങ്ങളിലും ഒരു കിലോമീറ്ററിലേറെ നീണ്ട നിര മദ്യഷോപ്പുകൾക്ക് മുന്നിൽ രൂപപ്പെട്ടു.

അതിനിടെയാണ് നടൻ സുനിൽ ഗ്രോവർ ഇൻസ്റ്റാഗ്രാമിൽ പങ്കുവെച്ച ഒരു വീഡിയോ വൈറലാകുന്നത്. മദ്യവിൽപന അനുവദിച്ചതിനുശേഷം ഒരു സൂപ്പർമാർക്കറ്റിനുള്ളിലേക്ക് കൊണ്ടുവന്ന ബിയർ കെയ്സുകൾ ആളുകൾ തട്ടിപ്പറിക്കുന്ന വീഡിയോയാണ് അദ്ദേഹം പങ്കുവെച്ചത്.

View this post on Instagram

After the ban on alcohol lifted in Thailand

A post shared by Sunil Grover (@whosunilgrover) on May 3, 2020 at 6:07am PDT

സാമൂഹിക അകലം പാലിക്കാതെയാണ് ആളുകൾ ബിയർ കെയ്സുകൾ കൈക്കലാക്കാൻ തിരക്കുകൂട്ടുന്നത്. തായ്ലൻഡിലെ ഒരു സൂപ്പർമാർക്കറ്റിൽനിന്നുള്ള ദൃശ്യമാണിത്. ആഴ്ചകളോളം നിലനിന്ന മദ്യനിരോധനം കഴിഞ്ഞ ദിവമാണ് അവിടെ പിൻവലിച്ചത്. ഏതായാലും സുനിൽ ഗ്രോവർ പങ്കുവെച്ച ഈ വീഡിയോ ഇതിനോടകം വൈറലായി കഴിഞ്ഞു. ഇതിനോട് അനുകൂലിച്ചും പ്രതികൂലിച്ചും നിരവധിയാളുകൾ രംഗത്തെത്തുന്നുണ്ട്.
TRENDING:തൃശ്ശൂരിൽ രോഗിയെ കൊണ്ടുവരാൻ പോയ ആംബുലന്‍സ് അപകടത്തിൽപ്പെട്ടു: നഴ്സ് മരിച്ചു [NEWS]COVID 19 | യുഎഇയിൽ 24 മണിക്കൂറിനിടെ 11 മരണം; രോഗബാധിതർ 15000ത്തിലേക്ക് [PHOTO]പാകിസ്ഥാൻ എയർഫോഴ്സിലെ ആദ്യ ഹിന്ദു പൈലറ്റ്; ചരിത്രം കുറിച്ച് രാഹുൽ ദേവ് [NEWS]