ടൂറിസ്റ്റ് ബസിൽ കേരള സാരിയും ചുറ്റി അടിപൊളി ഡാൻസ്; വീഡിയോ തരംഗമാവുന്നു

കേരള സാരി ചുറ്റി, തീർത്തും ആഡംബരമില്ലാത്ത ലുക്കിലാണ് ഇതിനുള്ളിൽ ഉള്ളവർ. കൂട്ടത്തിലൊരാൾക്ക് യാത്ര നന്നേ ബോധിച്ച മട്ടാണ്. വർഷങ്ങൾക്ക് മുൻപ് സൈ പാടി ഹിറ്റാക്കിയ ഗന്നം സ്റ്റൈൽ ഗാനത്തിനാണ് സ്ത്രീ നൃത്തം ചെയ്യുന്നത്. ഗാനത്തിന്റെ ഒരു ഭാഗം മാത്രമാണ് വീഡിയോയിൽ കാണാൻ സാധിക്കുന്നത്. വൈറലായി മാറിയ വീഡിയോ ചുവടെ കാണാം.

ഇന്നും ഗന്നം സ്റ്റൈലിന് ആരാധകർ കുറവില്ല എന്നതിന് ഉദാഹരണം കൂടിയാണ് ഈ നൃത്ത വീഡിയോ. ഇൻസ്റ്റഗ്രാമിൽ ടൂറിസ്റ്റ് ബസിന്റെ പേജിലാണ് വീഡിയോ പ്രത്യക്ഷപ്പെട്ടത്. റീപോസ്റ്റുകളും ഉണ്ടായിട്ടുണ്ട്. അഞ്ചു ദിവസം മുൻപ് പോസ്റ്റ് ചെയ്ത വീഡിയോ എവിടെ നിന്നുമുള്ളതെന്നു വ്യക്തമല്ല.