കുളിച്ചാല്‍ തലയില്‍ നിന്ന് ചോരയൊലിക്കും; അപൂര്‍വ രോഗാനുഭവം പങ്കുവെച്ച് യുവതി

വെള്ളം അലര്‍ജിയാണെന്നും കുളിക്കാന്‍ മടിയാണെന്നും ചിലര്‍ പറയുന്നത് നാം കേട്ടിട്ടുണ്ട്. തമാശയ്ക്ക് പറയുന്ന ഈ കാര്യങ്ങള്‍ യഥാര്‍ത്ഥത്തില്‍ സംഭവിച്ചാല്‍ എങ്ങനെയുണ്ടാകും? അത്തരമൊരു അലര്‍ജി രോഗവുമായി ജീവിക്കുന്ന കാലിഫോണിയ സ്വദേശിയായഒരു യുവതിയെക്കുറിച്ചാണ് ഇനി പറയുന്നത്. ടെസ്സ ഹന്‍സീന്‍ സ്മിത്ത് എന്ന 25കാരിയ്ക്കാണ് ഈ അപൂര്‍വ രോഗം ബാധിച്ചിരിക്കുന്നത്. വെള്ളത്തോടുള്ള അലര്‍ജിയാണ് ഈ രോഗത്തിന്റെ പ്രധാന ലക്ഷണം. അക്വാജനിക് അര്‍ട്ടികാരിയ എന്നാണ് ഈ രോഗത്തിന്റെ പേര്. ടെസ്സയ്ക്ക്എട്ട് വയസ്സുള്ളപ്പോഴാണ്ഈ രോഗം ബാധിച്ചത്. കുട്ടിക്കാലത്ത് വെള്ളത്തില്‍ കളിക്കുന്നത് ടെസ്സയുടെ ശീലമായിരുന്നു. എന്നാല്‍ പതിയെ പതിയെ വെള്ളം ശരീരത്തില്‍ തൊടുമ്പോള്‍ തന്നെ ചില ആരോഗ്യപ്രശ്‌നങ്ങള്‍ ടെസ്സയെ ബാധിക്കാന്‍ തുടങ്ങി. ഇതായിരുന്നു തുടക്കം.