ഒന്നാം വർഷ ബിരുദ വിദ്യാർത്ഥികൾക്കുള്ള സെൻട്രൽ സെക്ടർ സ്കോളർഷിപ്പ് ; അപേക്ഷകൾ ഡിസംബർ 15 വരെ സമർപ്പിക്കാം

തെരഞ്ഞെടുക്കപ്പെടുന്നവർക്ക്, നിർദ്ദിഷ്ട മാനദണ്ഡങ്ങളോടെ തുടർച്ചയായി അഞ്ചു വർഷക്കാലം സ്കോളർഷിപ്പ് ലഭിക്കാനവസരമുണ്ട്. ബിരുദ തലത്തിൽ പ്രതിവർഷം 12,000/- രൂപയും ബിരുദാനന്തര ബിരുദ തലത്തിൽ പ്രതിവർഷം 20,000/- രൂപയും സ്കോളർഷിപ്പായി ലഭിക്കുന്നതാണ്.

അപേക്ഷകർക്ക് പ്ലസ്ടു തലത്തിൽ 80 percentile (80% അല്ല, കേരള സിലബസിൽ ~90% ) ഇൽ അധികം മാർക്ക് ഉണ്ടായിരിക്കണം. അപേക്ഷകരുടെ കുടുംബ വാർഷിക വരുമാനം 4.5 ലക്ഷം രൂപയിൽ താഴെ ആയിരിക്കണം. ഒന്നാം വർഷ ബിരുദ വിദ്യാർത്ഥികൾക്ക് മാത്രമേ ഫ്രഷ് വിഭാഗത്തിൽ അപേക്ഷിക്കാൻ സാധിക്കുകയുള്ളു. ആർട്സ് & സയൻസ് കോളേജുകളിലെ വിദ്യാർത്ഥികൾക്കു പുറമെ പ്രൊഫഷണൽ കോഴ്സ് വിദ്യാർത്ഥികൾക്കും അപേക്ഷിക്കാവുന്നതാണ്.

അപേക്ഷകർ,കഴിഞ്ഞ വർഷം സെൻട്രൽ സെക്ടർ സ്കോളർഷിപ്പ് ലഭിച്ചിരുന്നവരും കഴിഞ്ഞ അധ്യയന വർഷത്തിൽ ചുരുങ്ങിയത് 50% മാർക്കും 75% അറ്റന്റൻസും ഉള്ളവരുമായിരിക്കണം.

NSP(National Scholarship Portal) വെബ്സൈറ്റിൽ അപേക്ഷ സമർപ്പിച്ചതിനു ശേഷം, അപേക്ഷയുടെ പ്രിന്റൗട്ടും അനുബന്ധ രേഖകളും അപേക്ഷകർ പഠിക്കുന്ന കോളേജിൽ എത്തിക്കണം.അപേക്ഷയോടൊപ്പം, പ്ലസ്ടു വിൻ്റെ മാർക്ക്‌ ലിസ്റ്റ് കോപ്പി , ജാതി സർട്ടിഫിക്കറ്റ് , ആവശ്യമെങ്കിൽ PWD സർട്ടിഫിക്കറ്റ് ( ഭിന്നശേഷി വിദ്യാർത്ഥികൾക്ക് ) എന്നിവയും സമർപ്പിക്കേണ്ടതുണ്ട്.