ഇന്ത്യ-വെസ്റ്റ് ഇൻഡീസ് ഏകദിന പരമ്പരയിലെ ആദ്യ മത്സരം തിരുവനന്തപുരത്ത്;മത്സരക്രമം പുറത്തുവിട്ട് BCCI 

ക്രിക്കറ്റ് പ്രേമികൾക്ക് ആവേശം പകരാൻ ഇന്ത്യ-വെസ്റ്റ് ഇൻഡീസ് മസ്തരത്തിന് തിരുവനന്തപുരം വേദിയാകും.ഇന്ത്യൻ പുരുഷ ക്രിക്കറ്റ് ടീമിന്റെ 2026-27 ഹോം സീസണിലെ മത്സരക്രമം ബിസിസിഐ പ്രഖ്യാപിച്ചു. വെസ്റ്റ് ഇൻഡീസിന്റെ ഇന്ത്യൻ പര്യടനത്തോടെയാണ് സീസൺ ആരംഭിക്കുന്നത്. മൂന്ന് മത്സരങ്ങളുള്ള ഇന്ത്യ-വെസ്റ്റ് ഇൻഡീസ് ഏകദിന പരമ്പരയിലെ ആദ്യ മത്സരം തിരുവനന്തപുരം ഗ്രീൻഫീൽഡ് സ്റ്റേഡിയത്തിലാണ് നടക്കുക. സെപ്റ്റംബർ 27നാണ് മത്സരം.മൂന്ന് വർഷത്തെ ഇടവേളയ്ക്ക് ശേഷമാണ് കാര്യവട്ടത്തേക്ക് ഏകദിന മത്സരം എത്തുന്നത്.2023 ജനുവരിയിലാണ് അവസാനമായി കാര്യവട്ടത്ത് ഏകദിന മത്സരം നടന്നത്. ഈ വർഷം ജനുവരി 31-ന് ഇന്ത്യ-ന്യൂസീലൻഡ് ടി20 മത്സരം ഗ്രീൻ ഫീൽഡ് സ്റ്റേഡിയത്തിൽ നടന്നിരുന്നു.