ഉന്നത വിജയം നേടിയ ന്യൂനപക്ഷ വിദ്യാർത്ഥികൾക്ക് പ്രൊഫ. ജോസഫ് മുണ്ടശ്ശേരി സ്കോളർഷിപ്പ്; ഇപ്പോൾ അപേക്ഷിക്കാം 

കേരളത്തിൽ സ്ഥിരതാമസക്കാരായ ക്രിസ്ത്യൻ, മുസ്ലീം, സിഖ്, പാഴ്സി, ബുദ്ധ, ജൈന വിഭാഗങ്ങളിൽ നിന്നുള്ളവർക്ക് അപേക്ഷിക്കാം. ജനസംഖ്യാനുപാതത്തിലാണ് സ്കോളർഷിപ്പുകൾ വിതരണം ചെയ്യുന്നത്.

അപേക്ഷകർ  കഴിഞ്ഞ (2022-23) അധ്യയന വർഷത്തിൽ എസ്.എസ്.എൽസി/ പ്ലസ്ടു/വി.എച്ച്.എസ്.ഇ / ബിരുദ / ബിരുദാനന്തര ബിരുദ തലങ്ങളിൽ ഉന്നത വിജയം നേടിയ ന്യൂനപക്ഷ മത വിഭാഗങ്ങളിലെ വിദ്യാർഥികളായിരിക്കണം. എസ്.എസ്.എൽ.സി/പ്ലസ് ടു/ വി.എച്ച്.എസ്.ഇ പരീക്ഷകൾക്ക് എല്ലാ വിഷയങ്ങൾക്കും എ+ ഗ്രേഡ് നേടിയവർക്കും ബിരുദത്തിന് 80% നു മുകളിൽ മാർക്ക് നേടിയവർക്കും ബിരുദാനന്തര ബിരുദത്തിന് 75% നു മുകളിൽ മാർക്ക് നേടിയവർക്കുമാണ് അവസരം. കുടുംബ വാർഷിക വരുമാനം 8 ലക്ഷം രൂപയിൽ കൂടുതലാകരുത്. സർക്കാർ - എയ്ഡഡ് സ്ഥാപനങ്ങളിൽ നിർദ്ദിഷ്ട കോഴ്സുകൾ പൂർത്തീകരിച്ചവർക്കു മാത്രമേ അപേക്ഷിക്കാനാകൂ.‌

1.എസ്.എസ്.എൽ.സി/പ്ലസ് ടു/ വി.എച്ച്.എസ്.ഇ എന്നിവ പൂർത്തീകരിച്ചവർക്ക് : 10,000/- രൂപ

2.ബിരുദം  പൂർത്തീകരിച്ചവർക്ക് : 15,000/- രൂപ

തയാറാക്കിയത് : ഡോ ഡെയ്സൻ പാണേങ്ങാടൻ