പ്രവാസിയുടെ മക്കളാണോ? നോർക്കയുടെ സ്കോളർഷിപ്പോടെ ഉപരിപഠനം ചെയ്യാം

സാമ്പത്തികമായി പിന്നാക്കാവസ്ഥയിലുളള പ്രവാസികളുടെയും, നിശ്ചിത വർഷം പ്രവാസിയായി പിന്നീട് നാട്ടില്‍ തിരിച്ചെത്തിയവരുടേയും മക്കളുടെ ഉപരിപഠനത്തിന് നൽകുന്ന നോര്‍ക്ക റൂട്ട്‌സ് ഡയറക്ടേഴ്സ് സ്‌കോളര്‍ഷിപ്പിന് ഇപ്പോൾ അപേക്ഷ സമർപ്പിക്കാം. പ്രൊഫഷണൽ ബിരുദത്തിനും ബിരുദാനന്തര തലത്തിലും നിർദിഷ്ട കോഴ്സുകളിൽ ആദ്യ വർഷം പഠിക്കുന്ന വിദ്യാർത്ഥികൾക്കു മാത്രമാണ്, ആനുകൂല്യം. അപേക്ഷകർ, റഗുലർ വിദ്യാർത്ഥികളായിരിക്കണം. ഏതെങ്കിലും തൊഴിൽ മേഖലയിൽ വ്യാപരിക്കുന്നവരെ,സ്‌കോളര്‍ഷിപ്പിന് പരിഗണിക്കുന്നതല്ല.