Covid 19 | ഇന്ത്യക്കാര്ക്ക് തൊഴില് വിസ അനുവദിക്കുന്നത് താത്കാലികമായി നിര്ത്തിവച്ച് ബഹ്റൈന്
- Published by:Jayesh Krishnan
- news18-malayalam
Last Updated:
ഇന്ത്യയ്ക്ക് പുറമേ പാകിസ്ഥാന്, ബംഗ്ലദേശ്, ശ്രീലങ്ക, നേപ്പാള്, വിയറ്റ്നാം എന്നീ രാജ്യങ്ങളില് നിന്നുള്ളവര്ക്കും തൊഴില് വിസ നല്കുന്നത് നിര്ത്തിവെച്ചിട്ടുണ്ട്
മനാമ: ഇന്ത്യകാര്ക്ക് തൊഴില് വിസ അനുവദിക്കുന്നത് താത്കാലികമായി നിര്ത്തിവച്ച് ബഹ്റൈന്. ഇന്ത്യ ഉള്പ്പെടെ ആറു രാജ്യങ്ങള് റെഡ് ലിസ്റ്റില് ഉള്പ്പെട്ടതിനെ തുടര്ന്നാണ് നടപടി. ലേബര് മാര്ക്കറ്റ് റെഗുലേറ്ററി അതോറിറ്റി ആണ് വിസ നല്കുന്നതിന് താത്കാലിക വിലക്ക് ഏര്പ്പെടുത്തിയിരിക്കുന്നത്.
ഇന്ത്യയ്ക്ക് പുറമേ പാകിസ്ഥാന്, ബംഗ്ലദേശ്, ശ്രീലങ്ക, നേപ്പാള്, വിയറ്റ്നാം എന്നീ രാജ്യങ്ങളില് നിന്നുള്ളവര്ക്കും തൊഴില് വിസ നല്കുന്നത് നിര്ത്തിവെച്ചിട്ടുണ്ട്. കോവിഡ് കേസുകള് നിയന്ത്രണവിധേയമായതിന് ശേഷമേ വിസ നല്കല് പുനഃരാരംഭിക്കൂ.
അതേസമയം ഇന്ത്യയില് കോവിഡ് ബാധിതരുടെ എണ്ണം ഗണ്യമായി കുറയുന്നു. കഴിഞ്ഞ 24 മണിക്കൂറിനിടെ 80,834 പേര്ക്കാണ് പുതുതായി കോവിഡ് സ്ഥിരീകരിച്ചത്. ടെസ്റ്റ് പോസിറ്റിവിറ്റി നിരക്ക് കുറയുന്നത് ആശ്വാസകരമായി മാറുന്നുണ്ട്. 71 ദിവസത്തിനിടെ ഏറ്റവും കുറഞ്ഞ പ്രതിദിന രോഗബാധ നിരക്കാണ് രേഖപ്പെടുത്തിയത്. കഴിഞ്ഞ 24 മണിക്കൂറിനിടെ 4.25 ശതമാനമാണ് രാജ്യത്തെ പ്രതിദിന ടെസ്റ്റ് പോസിറ്റിവിറ്റി നിരക്ക്. കഴിഞ്ഞ 31 ദിവസമായി പുതിയ രോഗബാധിതരേക്കാള് മുകളിലാണ് രോഗമുക്തരുടെ എണ്ണം. രോഗമുക്തി നിരക്ക് 95.26 ശതമാനമായി ഉയര്ന്നു.
advertisement
ഇതുവരെ രോഗം ബാധിച്ചവരില് ഏറ്റവും കുടുതല് മഹാരാഷ്ട്ര, കര്ണാടകം, കേരളം, തമിഴ്നാട്, ആന്ധ്രാപ്രദേശ് എന്നീ സംസ്ഥാനങ്ങളിലാണ്. മഹാരാഷ്ട്രയില് 5,805,565 പേര്ക്കാണ് ഇതുവരെ കോവിഡ് ബാധിച്ചത്. കര്ണാടകയില് 26,35,122 പേര്ക്കും, കേരളത്തില് 2,584,853 പേര്ക്ക് ഇതുവരെ രോഗം സ്ഥിരീകരിച്ചിട്ടുണ്ട്. തമിഴ്നാട്ടില് 2,172,751 പേര്ക്കും ആന്ധ്രാപ്രദേശില് 1,738,990 പേര്ക്കും കോവിഡ് സ്ഥിരീകരിച്ചിട്ടുണ്ട്.
രാജ്യത്ത് ഇതുവരെ 2,94,39,989 പേര്ക്കാണ് കോവിഡ് സ്ഥിരീകരിച്ചത്. ആകെ മരണസംഖ്യ 3,70,407 ആയി. ഇതുവരെ 2,80,43,446 പേരാണ് രോഗമുക്തരായത്. ഇന്നലെ 3303 പേരാണ് രോഗബാധിതരായി മരിച്ചത്. 1,32,062 പേര് രോഗമുക്തരായി. രാജ്യത്ത് നിലവില് 10,26,159 പേരാണ് ചികിത്സയിലുള്ളത്. സജീവ കേസുകളില് 54,532 രോഗികളുടെ കുറവാണുണ്ടായത്. 20 ദിവസമായി പത്തില് താഴെയാണ് ടിപിആര്. പ്രതിവാര ടിപിആര് 4.74 ശതമാനമായി കുറഞ്ഞു.
advertisement
അതേസമയം ലോകത്ത് കോവിഡ് വ്യാപനം കൂടുതല് രൂക്ഷമാകുകയാണ്. രോഗബാധിതരുടെ എണ്ണം 17.63 കോടി കടന്നു . കഴിഞ്ഞ ഇരുപത്തിനാല് മണിക്കൂറിനിടെ മൂന്നര ലക്ഷത്തിലധികം കേസുകള് റിപ്പോര്ട്ട് ചെയ്തു. മരണസംഖ്യയും കുത്തനെ ഉയരുകയാണ്. ഇതുവരെ മുപ്പത്തിയെട്ട് ലക്ഷത്തിലധികം പേരാണ് മരണമടഞ്ഞത്.
ലോകത്ത് ഏറ്റവും കൂടുതല് രോഗം ബാധിച്ചത് അമേരിക്കയിലാണ്. അമേരിക്കയില് മൂന്ന് കോടി നാല്പത്തി മൂന്ന് ലക്ഷം രോഗബാധിതരുണ്ട്. മരണസംഖ്യ 6.15 ലക്ഷമായി ഉയര്ന്നു. ബ്രസീലിലും രോഗവ്യാപനം അതിവേഗം ഉയരുകയാണ്. രാജ്യത്ത് ഇതുവരെ ഒരു കോടി എഴുപത്തിമൂന്ന് ലക്ഷം പേര്ക്കാണ് വൈറസ് ബാധ സ്ഥിരീകരിച്ചത്. 4.86 ലക്ഷം പേര് മരിച്ചു.
Location :
First Published :
Jun 13, 2021 6:43 PM IST
മലയാളം വാർത്തകൾ/ വാർത്ത/Corona/
Covid 19 | ഇന്ത്യക്കാര്ക്ക് തൊഴില് വിസ അനുവദിക്കുന്നത് താത്കാലികമായി നിര്ത്തിവച്ച് ബഹ്റൈന്










