Covid 19 | രാജ്യം കോവിഡ് വ്യാപന ഭീതിയില്; 24 മണിക്കൂറിനിടെ 27000 കടന്ന് കോവിഡ് കേസുകള്
- Published by:Karthika M
- news18-malayalam
Last Updated:
നാലിരട്ടി വര്ധനയാണ് ഒരാഴ്ചയ്ക്കിടെ രാജ്യത്തെ പ്രതിദിന കേസുകളില് ഉണ്ടായത്
ന്യൂഡല്ഹി: രാജ്യത്ത് കോവിഡ് വ്യാപനം ഭീതി പടര്ത്തുന്നു. 24 മണിക്കൂറിനിടെ ഇരുപത്തി ഏഴായിരത്തില്പരം കോവിഡ് കേസുകളാണ് രാജ്യത്ത് സ്ഥിരീകരിച്ചത്.
നാലിരട്ടി വര്ധനയാണ് ഒരാഴ്ചയ്ക്കിടെ രാജ്യത്തെ പ്രതിദിന കേസുകളില് ഉണ്ടായത്. ഡല്ഹിയില് പ്രതിദിന കോവിഡ് കേസുകളില് 51 ശതമാനം വര്ധനയുണ്ടായി. മഹാരാഷ്ട്രയില് 24 മണിക്കൂറിനിടെ 9,170 പേര്ക്കാണ് കോവിഡ് സ്ഥിരീകരിച്ചത്. ബംഗാളിലും രോഗികളുടെ എണ്ണത്തില് വലിയ വര്ധനവാണ് ഉണ്ടായത്. കേരളത്തില് ഇന്നലെ 4,512 പേര്ക്ക് രോഗം സ്ഥിരീകരിച്ചു.
പുതുവര്ഷത്തില് ഒമിക്രോണിനെ അകറ്റി നിര്ത്താം; കരുതല് പ്രധാനമെന്ന് മന്ത്രി വീണാ ജോര്ജ്
തിരുവനന്തപുരം: സംസ്ഥാനത്ത് ഒമിക്രോണ് (Omicron) കേസുകള് കൂടി വരുന്ന സാഹചര്യത്തില് പുതുവര്ഷാഘോഷങ്ങള് (New Year) കരുതലോടെ വേണമെന്ന് ആരോഗ്യ വകുപ്പ് മന്ത്രി വീണാ ജോര്ജ് (Veena George). സംസ്ഥാനത്ത് പുതുവര്ഷത്തോടനുബന്ധിച്ച് രാത്രി നിയന്ത്രണങ്ങള് ഏര്പ്പെടുത്തിയിട്ടുണ്ട്. ഇതുകൂടാതെ കടകള്, ഷോപ്പിംഗ് മാളുകള്, ഹോട്ടലുകള്, ആരാധനാലയങ്ങള് എന്നിവിടങ്ങളില് പോകുന്നവരും ജാഗ്രത പുലര്ത്തണം.
advertisement
സംസ്ഥാനത്ത് ഇതുവരെ 63 പേര്ക്കാണ് ഒമിക്രോണ് സ്ഥിരീകരിച്ചത്. എറണാകുളം 25, തിരുവനന്തപുരം 18, പത്തനംതിട്ട 5, തൃശൂര് 5, ആലപ്പുഴ 4, കണ്ണൂര് 2, കൊല്ലം 1, കോട്ടയം 1, മലപ്പുറം 1, കോഴിക്കോട് 1 എന്നിങ്ങനെയാണ് ജില്ലകളില് ഒമിക്രോണ് (Omicron) സ്ഥിരീകരിച്ചത്. ഹൈ റിസ്ക് രാജ്യങ്ങളില് നിന്നും വന്ന 30 പേര്ക്കും ലോ റിസ്ക് രാജ്യങ്ങളില് നിന്നും വന്ന 25 പേര്ക്കും ഒമിക്രോണ് ബാധിച്ചു. 8 പേര്ക്കാണ് സമ്പര്ക്കത്തിലൂടെ രോഗം ബാധിച്ചത്. അതിനാല് തന്നെ അതീവ ജാഗ്രത പാലിക്കണമെന്നും മന്ത്രി അഭ്യര്ത്ഥിച്ചു.
advertisement
ഗുരുതരാവസ്ഥ കുറവാണെങ്കിലും ചുരുങ്ങിയ ദിവസങ്ങള് കൊണ്ട് വളരെ വേഗത്തില് പടര്ന്നു പിടിക്കുന്ന കോവിഡിന്റെ ജനിതക വകഭേദമാണ് ഒമിക്രോണ്. വ്യാപനം വളരെ കൂടുതലായതിനാല് സംസ്ഥാനത്തെ സംബന്ധിച്ച് അത് വളരെ നിര്ണായകമാണ്. വയോജനങ്ങളും അനുബന്ധ രോഗങ്ങളുള്ളവരും ഇവിടെ കൂടുതലുള്ളതിനാല് ഗുരുതര രോഗികളും മരണങ്ങളും കൂടുവാന് സാധ്യതയുണ്ട്.
ഒമിക്രോണ് പ്രതിരോധത്തില് കോവിഡ് വാക്സിനേഷന് വളരെ പ്രധാനമാണ്. വാക്സിനെടുത്തവര്ക്ക് ഗുരുതരാവസ്ഥ കുറവാണ്. എങ്കിലും വളരെ ശ്രദ്ധിച്ചില്ലെങ്കില് വാക്സിന് എടുത്തവര്ക്ക് കോവിഡ് വരുന്ന ബ്രേക്ക് ത്രൂ ഇന്ഫെക്ഷനും കോവിഡ് വന്നവര്ക്ക് വീണ്ടും വരുന്ന റീ ഇന്ഫെക്ഷനും മറ്റ് വകഭേദങ്ങളെക്കാള് കൂടുതലുണ്ടാകാന് സാധ്യതയുണ്ട്. അതിനാല് തന്നെ സ്വയം പ്രതിരോധം ഏറെ പ്രധാനമാണ്.
advertisement
രോഗലക്ഷണങ്ങളുള്ളവര് യാതൊരു കാരണവശാലും പൊതുയിടങ്ങള് സന്ദര്ശിക്കുകയോ പൊതുചടങ്ങുകളില് പങ്കെടുക്കുകയോ ചെയ്യരുതെന്നും മന്ത്രി പറഞ്ഞു.
Location :
First Published :
Jan 02, 2022 10:32 AM IST
മലയാളം വാർത്തകൾ/ വാർത്ത/Corona/
Covid 19 | രാജ്യം കോവിഡ് വ്യാപന ഭീതിയില്; 24 മണിക്കൂറിനിടെ 27000 കടന്ന് കോവിഡ് കേസുകള്
