Covid 19 | 'കോവിഡ് മൂന്നാം തരംഗം ഓഗസ്റ്റ് അവസാനം'; രണ്ടാം തരംഗം പോലെ അപകടകരമാകില്ലെന്ന് ICMR

ഓഗസ്റ്റ് അവസാനത്തോടെ കോവിഡ് മൂന്നാം തരംഗം ഇന്ത്യയെ ബാധിക്കാനിടയുണ്ടെങ്കിലും തീവ്രത രണ്ടാമത്തെ തരംഗത്തേക്കാൾ അല്പം കുറവായിരിക്കുമെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച്. “രാജ്യവ്യാപകമായി മൂന്നാമത്തെ തരംഗമുണ്ടാകും, പക്ഷേ ഇത് രണ്ടാമത്തെ തരംഗത്തെക്കാൾ ഉയർന്നതോ തീവ്രമോ ആയിരിക്കും എന്ന് അർത്ഥമാക്കുന്നില്ല.” ഐ സി എം ആർ എപ്പിഡെമിയോളജിവിഭാഗം മേധാവി ഡോ ഡോ. പാണ്ട എൻഡിടിവിയോട് പറഞ്ഞു.

മൂന്നാം തരംഗത്തിലേക്ക് നയിച്ചേക്കാവുന്ന നാല് ഘടകങ്ങളിൽ പ്രധാനം ഒന്നാമത്തെയും രണ്ടാമത്തെയും തരംഗത്തിൽ നിന്ന് നേടിയെടുക്കുന്ന പ്രതിരോധശേഷി കുറയുന്നതാണ്. “പ്രതിരോധ ശേഷി കുറയുകയാണെങ്കിൽ, അത് മൂന്നാമത്തെ തരംഗത്തിലേക്ക് നയിച്ചേക്കാം,” അദ്ദേഹം പറഞ്ഞു.

രണ്ടാമത്തെ ഘടകം സ്വായത്തമാക്കിയ പ്രതിരോധശേഷിയെ മറികടക്കാൻ കഴിയുന്ന ഒരു പുതിയ വേരിയന്റാണ് മൂന്നാം തരംഗത്തിന് ഇടയാക്കുന്നത്. പുതിയ വകഭേദം പ്രതിരോധശേഷിയെ മറികടക്കുന്നില്ലെങ്കിൽപോലും, അതിവേഗം വ്യാപിക്കുന്ന പ്രവണത ഉണ്ടായിരിക്കാം, അത് മൂന്നാമത്തെ ഘടകമായി ഡോ. പാണ്ട പറയുന്നു. നാലാമത്തെ ഘടകം സംസ്ഥാനങ്ങളുടെ നിയന്ത്രണങ്ങൾ നേരത്തേ എടുത്തുകളഞ്ഞതാണ്, ഇത് മഹാമാരിയുടെ പുതിയ കുതിപ്പിന് കാരണമാകുമെന്ന് ഡോ. പാണ്ട പറഞ്ഞു.

മൂന്നാം തരംഗത്തിന് കാരണമാകുന്ന വകഭേദം ഡെൽറ്റ പ്ലസ് ആയിരിക്കുമോയെന്ന ചോദ്യത്തിന്, ഡെൽറ്റയും ഡെൽറ്റ പ്ലസും രാജ്യം കീഴടക്കിയിട്ടുണ്ടെന്നും ഡെൽറ്റ വേരിയന്റിൽ നിന്ന് കൂടുതൽ പൊതുജനാരോഗ്യ നാശനഷ്ടങ്ങൾ പ്രതീക്ഷിക്കുന്നില്ലെന്നും അദ്ദേഹം പറഞ്ഞു.

Also Read- Covid Vaccine | സെപ്റ്റംബര്‍ മുതല്‍ സെറം ഇന്‍സ്റ്റിറ്റ്യൂട്ട് സ്പുട്‌നിക് വാക്‌സിന്‍ നിര്‍മ്മിക്കും

ഈ ആഴ്ച ആദ്യം, ഇന്ത്യൻ മെഡിക്കൽ അസോസിയേഷൻ മൂന്നാമത്തെ തരംഗം “ആസന്നമാണ്” എന്ന് ചൂണ്ടിക്കാട്ടിയിരുന്നു, “രാജ്യത്തിന്റെ പല ഭാഗങ്ങളിലും സർക്കാരും പൊതുജനങ്ങളും അലസതയിലാണ്, കോവിഡ് പ്രോട്ടോക്കോളുകൾ പാലിക്കാതെ കൂട്ടായ സമ്മേളനങ്ങളിൽ അവർ ഏർപ്പെടുന്നു”. രാജ്യത്തിന്റെ പല ഭാഗങ്ങളിലും കോവിഡ് -19 മാനദണ്ഡങ്ങൾ ലംഘിക്കുന്ന വിഷയം കേന്ദ്രം വ്യാഴാഴ്ച സംസ്ഥാനങ്ങളുമായി പങ്കുവെച്ചു. കുറച്ച് ദിവസങ്ങൾക്ക് മുമ്പ്, ആരോഗ്യ മന്ത്രാലയം മൂന്നാമത്തെ തരംഗത്തെക്കുറിച്ചുള്ള പ്രവചനങ്ങൾ “കാലാവസ്ഥാ പ്രവചനങ്ങൾ” പോലെ ഗൗരവമായി എടുക്കുന്നുണ്ടെന്നും പറഞ്ഞു.

വൈറസിന്റെ ഡെൽറ്റ വകഭേദത്താൽ നയിക്കപ്പെടുന്ന കോവിഡ് -19 ന്റെ മൂന്നാം തരംഗത്തിന്റെ “പ്രാരംഭ ഘട്ടത്തിലാണ്” ലോകം എന്ന് ലോകാരോഗ്യ സംഘടന മേധാവി ടെഡ്രോസ് അഥനോം ഗെബ്രിയേസസ് മുന്നറിയിപ്പ് നൽകിയിട്ടുണ്ട്. “ഇത് ഇതിനകം ഇല്ലെങ്കിൽ ഉടൻ തന്നെ ലോകമെമ്പാടും പ്രചരിക്കുന്ന പ്രബലമായ കോവിഡ്-19 തരംഗമാകുമെന്ന് പ്രതീക്ഷിക്കുന്നു,” ലോകാരോഗ്യ സംഘടനയുടെ തലവൻ പറഞ്ഞു.

വൈറസ് വികസിച്ചുകൊണ്ടിരിക്കുകയാണെന്നും അതിന്റെ ഫലമായി കൂടുതല്‍ വ്യാപനശേഷിയുള്ള വകേഭദങ്ങള്‍ ഉണ്ടാകാമെന്നും ടെഡ്രോസ് മുന്നറിയിപ്പ് നൽകി. അന്താരാഷ്ട്ര ആരോഗ്യ റെഗുലേഷൻസ് അടിയന്തര സമിതിയോട് സംസാരിക്കവെയാണ് ഗെബ്രിയേസസ് ഇക്കാര്യം പറഞ്ഞത്.

അതേസമയം വാക്സിനേഷനിലൂടെ മാത്രമെ കോവിഡ് ഭീതിയെ മറികടക്കാനാകുവെന്ന് അദ്ദേഹം ചൂണ്ടിക്കാണിച്ചു. യൂറോപ്പിലും അമേരിക്കയിലും വാക്സിനേഷൻ വിപുലമായ തോതിൽ നടക്കുന്നത് കാരണമാണ് അവിടെ രോഗബാധയും മരണനിരക്കും കുറഞ്ഞത്. അതേസമയം ലോകത്ത് ഇനിയും വാക്‌സിന്‍ ആവശ്യത്തിന് ലഭ്യമാകാത്ത രാജ്യങ്ങള്‍ ഉണ്ടെന്നും അദ്ദേഹം പറഞ്ഞു. കോവിഡിന് പ്രതിരോധ വാക്സിൻ എടുക്കുക എന്നതാണ് പ്രധാനപ്പെട്ട കാര്യം. എന്നാൽ കൂടുതൽ ശക്തിയേറിയ വകഭേദങ്ങൾ ഉണ്ടാകുന്നതിനാൽ വാക്സിനേഷൻ കൊണ്ട് മാത്രം കോവിഡിനെ ചെറുക്കാനാകില്ലെന്നും അദ്ദേഹം പറഞ്ഞു.