Covid 19 | രാജ്യത്ത് കോവിഡ് മൂന്നാം തരംഗം ദുർബലമാകുന്നു; 24 മണിക്കൂറിനിടെ 1,27952 കേസുകൾ

കേരളത്തില്‍ 38,684 പേര്‍ക്ക് കഴിഞ്ഞ ദിവസം കോവിഡ്-19 സ്ഥിരീകരിച്ചു. കർണാടകത്തിൽ 14,950 കേസുകളും, തമിഴ്നാട്ടിൽ 9,916 കേസുകളും റിപ്പോർട്ട് ചെയ്തു.  മഹാരാഷ്ട്രയിൽ 13,840 പേർക്ക് കൂടി വൈറസ് സ്ഥിരീകരിച്ചു. രോഗവ്യാപനം കുറഞ്ഞ സാഹചര്യത്തിൽ ഡൽഹി, കർണാടക സംസ്ഥാനങ്ങൾ നിയന്ത്രണങ്ങളിൽ വരുത്തിയ ഇളവ് പ്രാബല്യത്തിൽ വന്നു. ജിമ്മുകൾ ഉൾപ്പെടെ പ്രവർത്തനം ആരംഭിച്ചു.അതിനിടെ റഷ്യൻ നിർമ്മിത കോവിഡ് വാക്‌സിനായ സ്പുട്നിക് ലൈറ്റ് അടിയന്തിര ഉപയോഗത്തിനായി DCGI യുടെ വിഷയ വിദഗ്ധ സമിതി ശുപാർശ ചെയ്തു. ഒറ്റ ഡോസ് ബൂസ്റ്റർ വാക്‌സിനാണ് സ്പുട്നിക് ലൈറ്റ്.

അതിജീവിച്ചതിനൊപ്പം വാക്സിൻ പ്രതിരോധത്തിന്‍റെ ആത്മവിശ്വാസവുമാർജ്ജിച്ചാണ് കേരളം മൂന്നാം തരംഗത്തെ നേരിടുന്നത്. തെരഞ്ഞെടുപ്പിന് ശേഷം രണ്ടാം തരംഗം രൂക്ഷമായി. 2021 മേയ് 12ന് രണ്ടാം തരംഗത്തിലെ ഏറ്റവും ഉയർന്ന പ്രതിദിന രോഗികൾ 43,529 കേസുകൾ കേരളത്തിൽ റിപ്പോര്‍ട്ട് ചെയ്തു.

ഒന്നും രണ്ടും തരംഗങ്ങളെ അപേക്ഷിച്ച് ഏറ്റവും ഉയർന്ന് പ്രതിദിന കേസുകളാണ് ഇപ്പോൾ റിപ്പോർട്ട് ചെയ്യുന്നത്. വാക്സിനേഷൻ ഉയർന്നതും വൈറസ് പ്രഹരശേഷി കുറവാണെന്നതിനാലും പൊതുവിൽ വൈറൽ പനിയുടെ നിസ്സാരതയിലേക്ക് ജനജീവിതം മാറുകയാണ്. പഴുതടച്ചുള്ള നിരീക്ഷണത്തിൽ നിന്ന് സമ്പർക്കത്തിലുള്ളവരെല്ലാം ക്വാറന്‍റീനിൽ പോകേണ്ടതില്ലെന്നതാണ് പുതിയ പ്രോട്ടോക്കോൾ.

സംസ്ഥാനത്ത് മൂന്നാം തരംഗം തുടങ്ങുന്നത് ജനുവരി മാസമാണ്. ജനുവരി ഒന്നാം ആഴ്ച 45 ശതമാനം വര്‍ധനവും, രണ്ടാം ആഴ്ച 148 ശതമാനം വര്‍ധനവും, മൂന്നാം ആഴ്ച 215 ശതമാനം വര്‍ധനവുമാണുണ്ടായത്. എന്നാല്‍ ഇന്നലെവരെയുള്ള ആഴ്ച 71 ശതമാനം കേസുകള്‍ കുറഞ്ഞിട്ടുണ്ട്. ഇന്നത് കണക്കാക്കുമ്പോള്‍ വീണ്ടും കുറഞ്ഞ് 57 ശതമാനമായിട്ടുണ്ട്. ഇങ്ങനെയൊരു കുറവ് തുടര്‍ന്നാല്‍ നമ്മുക്ക് ഏറെ പ്രതീക്ഷയുണ്ടെന്ന് ആരോഗ്യമന്ത്രി അറിയിച്ചു.