Covid 19 | മുൻ രാഷ്ട്രപതി പ്രണബ് മുഖർജിക്ക് കോവിഡ് സ്ഥിരീകരിച്ചു

ന്യൂഡൽഹി: മുൻ രാഷ്ട്രപതി പ്രണബ് മുഖർജിക്ക് കോവിഡ് 19 സ്ഥിരീകരിച്ചു. പ്രണബ് മുഖർജി തന്റെ ഔദ്യോഗിക ട്വിറ്റർ അക്കൗണ്ടിലൂടെയാണ് ഇക്കാര്യം അറിയിച്ചത്. താനുമായി ഒരാഴ്ചക്കിടെ സമ്പർക്കത്തിൽ വന്ന എല്ലാവരോടും ക്വറന്റീനിൽ പോകാൻ അദ്ദേഹം ആവശ്യപ്പെട്ടു. പ്രത്യേക പരിശോധനയ്ക്ക് ആശുപത്രിയിലെത്തിയപ്പോഴാണ് കോവിഡ് പരിശോധന നടത്തിയത്.

On a visit to the hospital for a separate procedure, I have tested positive for COVID19 today.
I request the people who came in contact with me in the last week, to please self isolate and get tested for COVID-19. #CitizenMukherjee

— Pranab Mukherjee (@CitiznMukherjee) August 10, 2020

കഴിഞ്ഞ 24 മണിക്കൂറിനിടെ ഇന്ത്യയിൽ 62,064 കോവിഡ് പോസിറ്റീവ് കേസുകളും  1,007 മരണങ്ങളും റിപ്പോർട്ട് ചെയ്തു. കേന്ദ്ര ആരോഗ്യ മന്ത്രാലയത്തിന്റെ കണക്കുക്കനുസരിച്ച്  6,34,945 സജീവ കേസുകളാണ് രാജ്യത്തുള്ളത്.  15,35,744 പേർ രോഗമുക്തരായി. ഇതുവരെ രോഗം ബാധിച്ചവുരുടെ എണ്ണം 22,15,075 ആയി ഉയർന്നു. ഇതിനിടെ രാജ്യത്തെ രോഗമുക്തരുടെ എണ്ണം 15 ലക്ഷം കവിഞ്ഞു. പുതിയ കേസുകളിൽ 80 ശതമാനത്തിലധികം പത്ത് സംസ്ഥാനങ്ങളിൽ നിന്നാണെന്ന് ആരോഗ്യ മന്ത്രാലയം വ്യക്തമാക്കി.