Russian Covid Vaccine| 20 രാജ്യങ്ങൾ ആവശ്യക്കാർ; 100 കോടി ഡോസ് വാക്സിൻ മുൻകൂട്ടി ഓർഡർ ലഭിച്ചെന്ന് റഷ്യ

വാക്സിൻ യാഥാർത്ഥ്യമാക്കുന്നതിനായി പ്രവർത്തിച്ചവർക്കെല്ലാം പുടിൻ വീഡിയോ കോൺഫറൻസിലൂടെ നന്ദി അറിയിച്ചിരുന്നു. വൈകാതെ തന്നെ വാക്സിൻ വ്യാപകമായി ഉൽപാദിപ്പിച്ചുതുടങ്ങുമെന്ന പ്രതീക്ഷയും പുടിൻ പങ്കുവെച്ചു. ''ഇത് വളരെ ഫലപ്രദമായി പ്രവർത്തിക്കുന്നുവെന്ന് എനിക്ക് അറിയാം, അതിശക്തമായ പ്രതിരോധശേഷി ഇത് നൽകും, ഞാൻ വീണ്ടും ആവർത്തിച്ചുപറയുന്നു. എല്ലാ പരിശോധനകളും വിജയകരമായി പൂർത്തിയാക്കിയാണ് വാക്സിൻ പുറത്തിറക്കുന്നത്''- പുടിൻ പറഞ്ഞു.