കണ്ണൂർ വിമാനത്താവളത്തിൽ തെർമൽ സ്ക്രീനിങ് സ്മാർട്ട്‌ ഗേറ്റ് പ്രവർത്തനം ആരംഭിച്ചു;  ഇന്ത്യയിൽ ആദ്യത്തേത്

വിദേശ എയർപോർട്ടുകളിൽ ശരീര ഊഷ്മാവ് പരിശോധിക്കാൻ ഉപയോഗിക്കുന്ന അത്യാധുനിക തെർമൽ സ്ക്രീനിങ് സംവിധാനമാണ് ഇത്. എയർപോർട്ടിനകത്തു പ്രവേശിക്കുന്ന ഉദ്യോഗസ്ഥരെയും മറ്റ് ആളുകളെയും പരിശോധിക്കുന്നതിനുള്ള ഓട്ടോമേറ്റിക്ക് തെർമൽ ചെക്കിങ് സിസ്റ്റം കൂടി സജ്ജീകരിക്കുന്നുണ്ട്.

പത്തു മീറ്റർ ദൂരത്ത് നിന്ന് ഒരു സമയം പത്തിൽ കൂടുതൽ ആളുകളുടെ ശരീര ഊഷ്മാവ് തിരിച്ചറിയാൻ സാധിക്കുന്നതാണ് ഈ ഹൈടെക് ഉപകരണം. യാത്രക്കാർ പരിശോധന നടത്താൻ വേണ്ടി ക്യു നിൽക്കുന്നത് ഒഴിവാക്കുവാനും സഹായിക്കും.

യാത്രക്കാർ കടന്നുപോകുമ്പോൾ തെർമൽ ക്യാമറ ശരീര ഊഷ്മാവ് രേഖപെടുത്തുകയും, മറ്റൊരു ഡിജിറ്റൽ ക്യാമറ യാത്രക്കാരന്റ പൂർണമായ വിവരത്തോടുകൂടിയ ചിത്രം രേഖപ്പെടുത്തുകയും ചെയ്യും. ലഭ്യമാകുന്ന രണ്ട് തരം ഇമേജുകളും അടുത്ത് സ്ഥാപിച്ചിരിക്കുന്ന സ്ക്രീനിൽ തത്സമയം കാണുവാൻ ഉദ്യേഗസ്ഥർക്ക് സാധിക്കും. ശരീര ഊഷ്മാവ് കൂടുതൽ ആണെങ്കിൽ തെർമൽ ഇമേജ് വഴിയും അലാറം വഴിയും എയർപോർട്ട് സ്റ്റാഫിന് വിവരങ്ങൾ കൈമാറും. ഇത് മൂലം യാത്രക്കാരനെ കൂടുതൽ വിശദമായ പരിശോധനകൾക്ക് വേണ്ടി മാറ്റിനിർത്താനാക്കും.

റെയിൽവേ സ്റ്റേഷൻ ,സംസ്ഥാന അതിർത്തി എന്നിവിടങ്ങളിൽ കൂടി ഇത്തരം തെർമൽ സ്ക്രീനിംഗ് സംവിധാനം ഉപയോഗിക്കാൻ സാധിക്കുമോ എന്നാണ് ഇപ്പോൾ അലോചിക്കുന്നത്.