Covid 19 | കോവിഡ് വ്യാപനം രൂക്ഷം; രാജ്യത്ത് കോവിഡ് മൂന്നാം തരംഗം ഉണ്ടാകും; കേന്ദ്ര സര്ക്കാര്
- Published by:Jayesh Krishnan
- news18-malayalam
Last Updated:
വൈറസിന്റെ പുതിയ വകഭേദങ്ങള് കൂടുതല് പകരാന് സാധ്യതയുണ്ടെന്ന് കേന്ദ്ര സര്ക്കാരിന്റെ പ്രിന്സിപ്പല് സയന്റിഫിക് അഡൈ്വസര് കെ വിജയരാഘവന് പറഞ്ഞു
ന്യൂഡല്ഹി: രാജ്യത്ത് കോവിഡ് വ്യാപനം രൂക്ഷമായതിനാല് കോവിഡിന്റെ മൂന്നാം തരംഗം ഉണ്ടാകുമെന്ന് കേന്ദ്ര സര്ക്കാര്. പുതിയ കോവിഡ് തരംഗം നേരിടാന് എല്ലാവരും സജ്ജരാകണമെന്ന് കേന്ദ്ര ആരോഗ്യമന്ത്രാലയം അറിയിച്ചു. വൈറസിന്റെ പുതിയ വകഭേദങ്ങള് കൂടുതല് പകരാന് സാധ്യതയുണ്ടെന്ന് കേന്ദ്ര സര്ക്കാരിന്റെ പ്രിന്സിപ്പല് സയന്റിഫിക് അഡൈ്വസര് കെ വിജയരാഘവന് പറഞ്ഞു.
'നിലവിലെ കോവിഡ് വകഭേദങ്ങള്ക്ക് വാക്സിന് ഫലപ്രദമാണ്. പുതിയ വകഭേദങ്ങള് ലോകമെമ്പാടും പ്രത്യക്ഷപ്പെട്ടേക്കാം. പ്രതിരോധത്തെ പരാജയപ്പെടുത്തുന്ന വകഭേദങ്ങളും രോഗതീവ്രത കുറയ്ക്കുന്നതോ കൂട്ടുന്നതോ ആയ വകഭേദങ്ങള് വ്യാപിച്ചേക്കും'അദ്ദേഹം വ്യക്തമാക്കി.
നിലവില് 12 സംസ്ഥാനങ്ങളില് ഒരു ലക്ഷത്തിലധികം സജീവ കോവിഡ് കേസുകളുണ്ട്. ഏഴ് സംസ്ഥാനങ്ങളില് 50,000 മുതല് ഒരു ലക്ഷം വരെ കോവിഡ് കേസുകളുണ്ട്. മഹാരാഷ്ട്ര, കേരളം, കര്ണാടക, ഉത്തര്പ്രദേശ്, ആന്ധ്രപ്രദേശ് എന്നീ സംസ്ഥാനങ്ങളില് ഒന്നര ലക്ഷത്തോളം കേസുകളുണ്ടെന്ന് ആരോഗ്യ മന്ത്രാലയം ജോയിന്റ് സെക്രട്ടറി ലാവ് അഗര്വാള് പറഞ്ഞു.
advertisement
മഹാരാഷ്ട്ര, കര്ണാടക, ആന്ധ്രപ്രദേശ്, ഡല്ഹി, ഹരിയാന എന്നിവിടങ്ങളില് മരണസംഖ്യ വര്ദ്ധിച്ചു. പുതിയ വകഭേദങ്ങള് വേഗത്തില് മനുഷ്യരിലേക്ക് പടരുന്നുണ്ടെന്നും മന്ത്രാലയം പറഞ്ഞു. അതേസമയം വൈറസ് മൃഗങ്ങളിലേക്ക് പടരുന്നില്ലെന്നും മനുഷ്യരില് നിന്ന് മനുഷ്യരിലേക്കാണ് പടരുന്നതെന്നും നീതി ആയോഗ് അംഗം ഡോ. വി കെ പോള് വ്യക്തമാക്കി.
അതേസമയം രാജ്യത്ത് കഴിഞ്ഞ 24 മണിക്കൂറില് രാജ്യത്ത് രേഖപ്പെടുത്തിയ പുതിയ കോവിഡ് രോഗികളുടെ എണ്ണം 3,82,315 ആണ്. 3,780 പേര് കോവിഡ് ബാധിച്ച് കഴിഞ്ഞ ദിവസം മരണപ്പെട്ടു. കേന്ദ്ര ആരോഗ്യമന്ത്രാലയത്തിന്റെ കണക്കുകള് പ്രകാരം ഇന്നലെ 3,38,439 പേര് ഇന്നലെ രോഗമുക്തരായി ആശുപത്രി വിട്ടു.
advertisement
രാജ്യത്തെ മൊത്തം കോവിഡ് കണക്കുകള് 2,06,65,148 ആയി. 1,69,51,731 പേര് രോഗമുക്തരായി. ഇതുവരെ മരിച്ചവരുടെ എണ്ണം 2,26,188 ആണ്. 34,87,229 ആക്ടീവ് കേസുകളാണുള്ളത്. 16,04,94,188 പേര് ഇതുവരെ രാജ്യത്ത് വാക്സിന് സ്വീകരിച്ചു.
മഹാരാഷ്ട്ര, കര്ണാടക, കേരളം, ഉത്തര്പ്രദേശ്, തമിഴ്നാട് എന്നീ അഞ്ച് സംസ്ഥാനങ്ങളിലാണ് ഏറ്റവും കൂടുതല് കേസുകള് റിപ്പോര്ട്ട് ചെയ്യുന്നത്. 24 മണിക്കൂറില് ഈ അഞ്ച് സംസ്ഥാനങ്ങളില് റിപ്പോര്ട്ട് ചെയ്യപ്പെട്ട കോവിഡ് രോഗികളുടെ കണക്ക്,
മഹാരാഷ്ട്ര- 51,880
കര്ണാടക- 44,631
advertisement
കേരളം- 37,190
ഉത്തര്പ്രദേശ്-25,770
തമിഴ്നാട്-21,228
Location :
First Published :
May 05, 2021 5:50 PM IST
മലയാളം വാർത്തകൾ/ വാർത്ത/Corona/
Covid 19 | കോവിഡ് വ്യാപനം രൂക്ഷം; രാജ്യത്ത് കോവിഡ് മൂന്നാം തരംഗം ഉണ്ടാകും; കേന്ദ്ര സര്ക്കാര്
