Covid 19 | ആസ്ത്മയ്ക്കുള്ള മരുന്ന് കോവിഡിനെ പ്രതിരോധിക്കുമെന്ന് പഠനം; ആശുപത്രിവാസം കുറച്ചെന്ന് കണ്ടെത്തൽ

ലോകത്ത് കോവിഡ് 19 മഹാമാരി (Covid 19 Pandemic) നാശം വിതയ്ക്കാന്‍ തുടങ്ങിയിട്ട് രണ്ട് വര്‍ഷത്തിലേറെയായി. ഇപ്പോഴും നമുക്ക് അതിനെ പൂര്‍ണമായും നിയന്ത്രിക്കാന്‍ കഴിഞ്ഞിട്ടില്ല. വാക്‌സിനേഷന്‍ രോഗത്തെ നിയന്ത്രിക്കാന്‍ വളരെയധികം സഹായിച്ചിട്ടുണ്ടെങ്കിലും പുതിയ വകഭേദങ്ങളുടെ (new variants) ആവിര്‍ഭാവവും വൈറസ് വ്യാപനം വീണ്ടും ഉയരുന്നതും ജനങ്ങളില്‍ ആശങ്ക ജനിപ്പിക്കുന്നുണ്ട്. ഒരിക്കല്‍ കോവിഡ് ബാധിച്ചതിന് ശേഷവും ദശലക്ഷക്കണക്കിന് ആളുകള്‍ക്ക് രോഗബാധ വീണ്ടും ഉണ്ടാകുന്നു.

വൈറസുകളുടെ ജനിതക ഘടനയിലെ മാറ്റങ്ങളോ മ്യൂട്ടേഷനുകളോ കാരണം വൈറസിന്റെ സ്വഭാവത്തിൽ വ്യത്യാസങ്ങൾ ഉണ്ടാകുന്നതായി നമുക്കറിയാം. ഇത് പകര്‍ച്ചവ്യാധി ശക്തമാകുന്നതിനും അതിവേഗ രോഗവ്യാപനത്തിനും ഇടയാക്കുന്നു. മാത്രമല്ല, വാക്‌സിനുകളുടെ പ്രതിരോധശേഷിയെ ഇല്ലാതാക്കാനും ഇവയ്ക്ക് കഴിയും. വീണ്ടും അണുബാധയുണ്ടാകുന്നതിന് പുതിയ വകഭേദങ്ങളുടെ ആവിർഭാവം ഒരു കാരണമാണെന്ന് വിദഗ്ധര്‍ വിശ്വസിക്കുന്നു.

2021 ഒക്ടോബറിലെ ഒരു പഠനത്തില്‍ പറയുന്നത്, കോവിഡ് 19 ബാധിച്ചതിന് ശേഷം നിങ്ങളുടെ ശരീരം ശക്തമായ പ്രതിരോധ സംവിധാനം ഉണ്ടാക്കുന്നുവെന്നാണ്. കൂടാതെ വൈറസിനെതിരെയുള്ള ആന്റിബോഡികള്‍ രൂപപ്പെടുത്തുകയും ഭാവിയില്‍ ഉണ്ടാകുന്ന അണുബാധകള്‍ക്കെതിരെ പോരാടാന്‍ നിങ്ങളുടെ പ്രതിരോധ സംവിധാനത്തെ പ്രാപ്തമാക്കുകയും ചെയ്യുന്നു. കുറഞ്ഞത് മൂന്ന് മാസം മുതല്‍ അഞ്ച് വര്‍ഷം വരെയാണ് ഈ പ്രതിരോധ സംവിധാനം നിലനില്‍ക്കുക. എന്നിരുന്നാലും, നിങ്ങളുടെ ശരീരം വളരെക്കാലമായി വൈറസുമായി സമ്പര്‍ക്കം പുലര്‍ത്താതിരിക്കുമ്പോള്‍ ക്രമേണ ആന്റിബോഡികളുടെ ഉത്പാദനം മന്ദഗതിയിലായേക്കുമെന്ന് വിദഗ്ധർ പറയുന്നു. അതുമൂലമാണ് നിങ്ങളുടെ ശരീരത്തിന്റെ പ്രതിരോധശേഷി കുറയുക.

മുൻ വേരിയന്റുകളെ അപേക്ഷിച്ച് ജനങ്ങളിൽ വീണ്ടും അണുബാധയ്ക്കിടയാക്കുന്നത് ഒമിക്രോണ്‍ വകഭേദമാണെന്ന് വിദഗ്ധര്‍ വിശ്വസിക്കുന്നു. ലണ്ടനിലെ ഇംപീരിയല്‍ കോളേജിലെ കോവിഡ്-19 റെസ്പോണ്‍സ് ടീം നടത്തിയ ഒരു പഠനം കാണിക്കുന്നത് ഒമിക്രോണിന് വീണ്ടും അണുബാധ ഉണ്ടാകാനുള്ള സാധ്യത ഡെല്‍റ്റ വേരിയന്റിനേക്കാള്‍ 5.4 മടങ്ങ് കൂടുതലാണ് എന്നാണ്.