'അദൃശ്യ ശത്രുവിനെ ഒരുമിച്ച് കീഴടക്കും'; മഹാമാരിയുടെ ഈ കാലത്ത് നരേന്ദ്ര മോദിക്കൊപ്പം നിൽക്കുന്നുവെന്ന് ട്രംപ്

നേരത്തെ കോവിഡ് ചികിത്സയ്ക്കായി ഹൈഡ്രോക്സിക്ലോറോക്വിൻ കയറ്റി അയക്കുന്നതുമായി ബന്ധപ്പെട്ട് ഇന്ത്യ-അമേരിക്ക ബന്ധത്തില്‍ അസ്വാരസ്യങ്ങൾ ഉയർന്നിരുന്നു. മരുന്ന് നൽകിയില്ലെങ്കിൽ ശക്തമായ തിരിച്ചടി നേരിടേണ്ടി വരുമെന്നതടക്കമുള്ള ട്രംപിന്‍റെ ഭീഷണി വലിയ വിവാദങ്ങൾക്കാണ് വഴിവച്ചത്. എന്നാൽ പിന്നീട് നിലപാട് മയപ്പെടുത്തിയ ട്രംപ്, മോദി വളരെ നല്ല സുഹൃത്താണെന്നാണ് അറിയിച്ചത്. രാജ്യത്തിന് ആവശ്യമായത്ര മരുന്നുകൾ കയറ്റി അയച്ച ഇന്ത്യക്ക് നന്ദി അറിയിക്കുകയും ചെയ്തിരുന്നു.