കടയിൽ സാധനം വാങ്ങാൻ വരുന്ന ആൺകുട്ടികളോട് ലൈംഗികാതിക്രമം നടത്തിയ 72-കാരന് 3 വർഷം തടവും പിഴയും

2025-ലാണ് കേസിനാസ്പദമായ സംഭവം നടന്നത്. തങ്കമണി സ്കൂളിന്റെ പരിസരത്ത് കട നടത്തിയിരുന്ന പ്രതി സാധനങ്ങൾ വാങ്ങാനെത്തുന്ന ആൺകുട്ടികളോട് നിരന്തരം മോശമായി പെരുമാറാറുണ്ടായിരുന്നു. ഇയാളുടെ ശല്യം സഹിക്കവയ്യാതെ കുട്ടികൾ കൂട്ടത്തോടെയെത്തി ചോദ്യം ചെയ്യുകയായിരുന്നു. കുട്ടികളുടെ ബഹളം കേട്ടെത്തിയ മറ്റൊരു വ്യാപാരിയുടെ നിർദേശപ്രകാരമാണ് വിവരം സ്കൂൾ അധികൃതരെ അറിയിച്ചത്.

സ്കൂൾ അധികൃതർ അറിയിച്ചതനുസരിച്ച് തങ്കമണി പോലീസാണ് കേസെടുത്തത്. പിഴത്തുകയിൽ 10,000 രൂപ ഇരയായ കുട്ടിക്ക് നൽകാനും കോടതി ഉത്തരവിട്ടു. പ്രോസിക്യൂഷനുവേണ്ടി സ്പെഷ്യൽ പബ്ലിക് പ്രോസിക്യൂട്ടർ അഡ്വ. ഷിജോമോൻ ജോസഫ് ഹാജരായി.