‌പ്രതിയുടെ ആക്രമണത്തിൽ പൊലീസുകാരന്റെ മൂക്ക് തകർന്നു

കോട്ടയം: വീട്ടിൽ അക്രമം നടത്തുന്നുവെന്ന യുവതിയുടെ പരാതി അന്വേഷിക്കാനെത്തിയ പൊലീസിനെതിരെ യുവതിയുടെ ഭർത്താവിന്റെ ആക്രമണം. പ്രതിയുടെ ആക്രമണത്തിൽ പൊലീസുകാരന്റെ മൂക്കുതകർന്നു. കോട്ടയം പാമ്പാടി പൊലീസ് സ്റ്റേഷനിലെ ജിബിനാണ് പരിക്കേറ്റത്. മൂക്ക് തകർന്ന ജിബിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

Also Read- ചീട്ടുകളി സംഘത്തെ തെരഞ്ഞെത്തിയ എസ്.ഐ കെട്ടിടത്തിന് മുകളിൽനിന്ന് വീണുമരിച്ചു

പാമ്പാടി നെടുങ്കുഴി സ്വദേശി സാമാണ് പൊലീസ് സംഘത്തെ ആക്രമിച്ചത്. സാം വീട്ടിൽ അക്രമം നടത്തിയതിനെ തുടർന്ന് ഭാര്യ പൊലീസിനെ വിവരം അറിയിക്കുകയായിരുന്നു. ഇത് പരിശോധിക്കാനെത്തിയ പൊലീസ് സംഘത്തെ സാം ആക്രമിക്കുകയായിരുന്നു.