ഇനി ചപ്പാത്തി തിന്നാം! കൊല്ലത്ത് പൊറോട്ട കൊടുക്കാത്തതിന് കടയുടമയുടെ തല തല്ലിത്തകർത്ത പ്രതി പിടിയിൽ

കഴിഞ്ഞ ദിവസം രാത്രിയോടെ കിളികൊല്ലൂർ മങ്ങാട് സംഘംമുക്കിലെ ടീസ്റ്റാളിലായിരുന്നു സംഭവം. കടയുടമയായ കണ്ടച്ചിറ ചേരിയിൽമുക്ക് കുന്നും പുറത്ത് വീട്ടിൽ അമൽ കുമാറിന്റെ തലയ്ക്കാണ് ആയുധം കൊണ്ടുള്ള അടിയേറ്റത്.

കട അടയ്ക്കുന്ന സമയത്ത് ബൈക്കിലെത്തിയ യുവാവ് പൊറോട്ട ചോദിച്ചു. ആഹാരം തീർന്നെന്ന് പറഞ്ഞപ്പോൾ ഭീഷണിപ്പെടുത്തി. ഇയാൾ മറ്റൊരു യുവാവുമായെത്തി വീണ്ടും പൊറോട്ട ആവശ്യപ്പെട്ടു. നൽകാത്തതിനെ തുടർന്ന് കടയുടമയെ മർദിക്കുകയും തല അടിച്ചു പൊട്ടിക്കുകയുമായിരുന്നു. ഈ സമയം പൊലീസ് ജീപ്പ് കണ്ട് ബൈക്ക് ഉപേക്ഷിച്ച് രക്ഷപ്പെട്ടു.