ഹൈക്കോടതി ഉത്തരവ് ലംഘിച്ച് ഗുരുവായൂർ ക്ഷേത്രപരിസരത്ത് റീൽസ് ചിത്രീകരണം; ജസ്ന സലീമിനെതിരെ കേസ്

ഗുരുവായൂർ: ഹൈക്കോടതി ഉത്തരവ് ലംഘിച്ച് ഗുരുവായൂർ ക്ഷേത്രത്തിൽ വീണ്ടും റീൽസ് ചിത്രീകരണം. സംഭവത്തിൽ ക്ഷേത്രം അഡ്മിനിസ്ട്രേറ്ററുടെ പരാതിയിൽ കൊയിലാണ്ടി സ്വദേശിനി ജസ്ന സലീം എന്ന യുവതിക്കെതിരെ പോലീസ് കേസെടുത്തു. മുൻപും ജസ്ന ക്ഷേത്രനടപ്പുരയിൽ റീൽസ് ചിത്രീകരണം നടത്തിയിരുന്നു. ഇതിനെ തുടർന്നാണ് നടപ്പുരയിൽ റീൽസ് ചിത്രീകരിക്കരുതെന്ന് ഹൈക്കോടതി ഉത്തരവിട്ടത്. മതപരമായ ചടങ്ങുകളോ വിവാഹങ്ങൾക്കോ ഒഴികെ നടപ്പുരയിൽ വീഡിയോ ചിത്രീകരിക്കരുതെന്ന ഹൈക്കോടതിയുടെ നിർദേശം നിലനിൽക്കെയാണ് യുവതി വീണ്ടും ചിത്രീകരണം നടത്തിയത്.