HOME » NEWS » Crime » DAD WHO THRASHED AUTISTIC CHILD LANDS POLICE NET

എറണാകുളത്ത് ഓട്ടിസം ബാധിച്ച മകനെ ക്രൂരമായി മർദ്ദിച്ച പിതാവ് കസ്റ്റഡിയിൽ

മാതാവിന്റെയും മറ്റു രണ്ടു മക്കളുടെയും മുന്നിൽ വച്ചായിരുന്നു ക്രൂര മർദനം. മാതാവ് പകർത്തിയ ദൃശ്യങ്ങൾ സോഷ്യൽ മീഡിയയിൽ

News18 Malayalam | news18-malayalam
Updated: May 14, 2021, 10:20 PM IST
എറണാകുളത്ത് ഓട്ടിസം ബാധിച്ച മകനെ ക്രൂരമായി മർദ്ദിച്ച പിതാവ് കസ്റ്റഡിയിൽ
പ്രതീകാത്മ ചിത്രം
  • Share this:
എറണാകുളത്ത് ഓട്ടിസം ബാധിച്ച മകനെ ക്രൂരമായി മർദ്ദിച്ച് പിതാവ്. കുഞ്ഞിന്റെ മാതാവ് പകർത്തിയ ദൃശ്യങ്ങൾ സോഷ്യൽ മീഡിയയിൽ പ്രചരിക്കുകയാണ്‌. സംഭവം സോഷ്യൽ മീഡിയയിലെത്തിയതോടു കൂടി
ഫോർട്ട് കൊച്ചി പോലീസ് ഇയാളെ മട്ടാഞ്ചേരിയിലെ വീട്ടിലെത്തി അറസ്റ്റ് ചെയ്യുകയായിരുന്നു.

മട്ടാഞ്ചേരി ചെറലായി കടവ് സ്വദേശി സുധീറിനെ പോലീസ് കസ്റ്റഡിയിലെടുത്തു. കുഞ്ഞിന്റെ അമ്മ നൽകിയ പരാതിയിന്മേലാണ് നടപടി. മറ്റു രണ്ടു മക്കളുടെയും മാതാവിന്റെയും മുന്നിൽ വച്ചായിരുന്നു കുട്ടിയെ മർദിച്ചത്. സുധീറിനെ നാളെ കോടതിയിൽ ഹാജരാക്കും.

Also read: കനത്ത മഴയിൽ തിരുവനന്തപുരം ജില്ലയിൽ 32 വീടുകൾ തകർന്നു; 308 പേരെ മാറ്റിപ്പാർപ്പിച്ചു

കുട്ടി അനുസരണക്കേട് കാട്ടിയെന്നും, വീടുവിട്ട് പുറത്തിറങ്ങിയെന്നും പറഞ്ഞായിരുന്നു ക്രൂര മർദ്ദനം. കുഞ്ഞിനെ ഒറ്റക്കാലിൽ നിർത്തിയും തലകുത്തി നിർത്തിയുമായിരുന്നു അതിക്രമം. കുട്ടിയെ ഇയാൾ വടി കൊണ്ട് തല്ലുകയും ചവിട്ടുകയും മുഖത്തു തല്ലുകയും ചെയ്തു. കുഞ്ഞിന്റെ അമ്മ തടയാൻ ശ്രമിച്ചെങ്കിലും സുധീർ പിന്മാറിയില്ല.

ഇവരുടെ മൂന്ന് മക്കളിൽ മൂത്ത കുട്ടി പത്താം ക്‌ളാസ് വിദ്യാർത്ഥിയാണ്. ഇയാൾ മദ്യപിച്ച് സ്ഥിരമായി വീട്ടിൽ ബഹളമുണ്ടാക്കുകയും ഭാര്യയെ മർദിക്കുകയും ചെയ്യാറുണ്ടെന്നാണ് വിവരം.

Summary: Man who thrashed his autistic kid lands police net
Published by: user_57
First published: May 14, 2021, 10:20 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories