സൺഗ്ലാസ് വെച്ചതിന് ജൂനിയർ വിദ്യാർഥിയെ ക്രൂരമായി മർദിച്ച അഞ്ച് സീനിയര് വിദ്യാര്ഥികള്ക്ക് സസ്പെന്ഷന്
- Published by:Sarika KP
- news18-malayalam
Last Updated:
കഴുത്തിനും കണ്ണിനും പരിക്കേറ്റ ജാബിർ കോളേജിലെ ആന്റി റാഗിങ് സെല്ലിലും മുക്കം പോലീസിലും പരാതി നൽകി.
കോഴിക്കോട്: സൺഗ്ലാസ് വെച്ചതിന് ജൂനിയർ വിദ്യാർഥിയെ സീനിയർ വിദ്യാർഥികൾ ക്രൂരമായി മർദിച്ചെന്ന് പരാതി. കോഴിക്കോട് മുക്കം കെ.എം.സി.ടി. പോളിടെക്സിന്ക് കോളേജിലാണ് സംഭവം. ബയോ മെഡിക്കൽ രണ്ടാം വർഷ വിദ്യാർഥി മുഹമ്മദ് ജാബിറിനെയാണ് അഞ്ച് സീനിയര് വിദ്യാര്ഥികള് മർദ്ദിച്ചത്. സംഭവത്തിൽ 5 വിദ്യാർഥികളെ കോളജിൽ നിന്നും സസ്പെൻഡ് ചെയ്തു.
ഫെബ്രുവരി 13-നാണ് സംഭവം. ക്ലാസ് കഴിഞ്ഞ് വീട്ടിലേക്ക് പോവാനായി പുറത്തിറങ്ങിയ മുഹമ്മദ് ജാബിറിനെ സീനിയർ വിദ്യാർഥികൾ മർദിക്കുകയായിരുന്നു. കഴുത്തിനും കണ്ണിനും പരിക്കേറ്റ ജാബിർ കോളേജിലെ ആന്റി റാഗിങ് സെല്ലിലും മുക്കം പോലീസിലും പരാതി നൽകി. താൻ ജൂനിയർ വിദ്യാർഥിയാണെന്നും ജൂനിയർ വിദ്യാർഥിക്ക് കണ്ണട വെക്കാൻ തങ്ങൾ അനുവാദം നൽകിയിട്ടില്ലെന്നും പറഞ്ഞ് മർദിച്ചതിനൊപ്പം കേട്ടാലറക്കുന്ന ഭാഷയിൽ തെറിയഭിഷേകം നടത്തിയതായും ജാബിർ നൽകിയ പരാതിയിൽ പറയുന്നു.
Location :
Kozhikode,Kozhikode,Kerala
First Published :
Feb 15, 2023 6:17 PM IST
മലയാളം വാർത്തകൾ/ വാർത്ത/Crime/
സൺഗ്ലാസ് വെച്ചതിന് ജൂനിയർ വിദ്യാർഥിയെ ക്രൂരമായി മർദിച്ച അഞ്ച് സീനിയര് വിദ്യാര്ഥികള്ക്ക് സസ്പെന്ഷന്
