ലഹരി കലര്‍ത്തിയ പാനീയം നല്‍കി ബലാത്സംഗം ചെയ്തു; സുഹൃത്തിനെതിരെ 'ബിഗ് ബോസ്' താരത്തിന്‍റെ പരാതി

ദക്ഷിണ ഡല്‍ഹിയിലെ ദേവലി റോഡിലെ ഒരു ഫ്ളാറ്റിൽ വച്ച് 2023–ലാണ് കേസിനാസ്പദമായ സംഭവമുണ്ടായത്. യുവതിയെ  ഫ്ളാറ്റിലേക്ക് ക്ഷണിച്ചുവരുത്തിയ ശേഷം സുഹൃത്ത് ഭക്ഷണവും കുടിക്കാൻ ശീതള പാനീയവും നൽകിയിരുന്നു. ശീതള പാനീയത്തിൽ ലഹരി കലർത്തിയിരുന്നുവെന്നാണ് യുവതിയുടെ ആരോപണം. പിന്നാലെ അബോധാവസ്ഥയിലായ യുവതിയെ സുഹൃത്ത് ബലാത്സംഗം ചെയ്യുകയായിരുന്നു എന്നാണ് യുവതി പോലീസില്‍ നല്‍കിയിരിക്കുന്ന പരാതിയില്‍ പറയുന്നത്.

ടെലിവിഷന്‍  സീരിയലുകളിൽ സജീവമായിരുന്ന യുവതി ബിഗ്ബോസ്  ഷോയിലൂടെയാണ് ജനപ്രീതി നേടുന്നത്. അഭിനയത്തിനൊപ്പം പുറമേ മോഡലിങ്ങും യുവതി ചെയ്യുന്നുണ്ട്.