Honour Killing: പതിനേഴുകാരിയെ പിതാവും സഹോദരനും ചേർന്ന് കഴുത്തുഞെരിച്ച് കൊന്നു

കാൺപുർ: പ്രണയബന്ധത്തെ തുടർന്ന് പതിനേഴുകാരിയെ പിതാവും സഹോദരനും ചേർന്ന് കഴുത്തുഞെരിച്ച് കൊന്നു (Honour Killing). ഉത്തർപ്രദേശിലെ (Uttarpradesh) ഗുർഹകാല ഗ്രാമത്തിലാണ് സംഭവം. ഇതേത്തുടർന്ന് കൊല്ലപ്പെട്ട പെൺകുട്ടിയുടെ പിതാവിനെയും സഹോദരനെയും പൊലീസ് അറസ്റ്റ് ചെയ്തു. ഗുർഹ കാല ഗ്രാമത്തിൽ താമസിക്കുന്ന പെൺകുട്ടിയെ കഴുത്ത് ഞെരിച്ച് കൊലപ്പെടുത്തിയതാണെന്ന് പോസ്റ്റ്‌മോർട്ടം റിപ്പോർട്ട് സ്ഥിരീകരിച്ചിരുന്നു. ഇതോടെയാണ് പൊലീസ് കേസെടുത്ത് അന്വേഷണം ആരംഭിച്ചത്. ഇതുവരെ നടത്തിയ അന്വേഷണത്തിൽ പെൺകുട്ടി സ്വന്തം ജാതിയിൽപ്പെട്ട ഒരു യുവാവുമായി പ്രണയത്തിലായിരുന്നുവെന്നും എന്നാൽ ഈ ബന്ധത്തെ പെൺകുട്ടിയുടെ വീട്ടുകാർ എതിർത്തിരുന്നതായും കണ്ടെത്തിയിട്ടുണ്ട്.